فوتو:alm.kgd.gov.kz
ۆەدومستۆو مالىمەتىنشە, سىبايلاس جەمقورلىققا قارسى ءىس-قيمىل اگەنتتىگىنىڭ توراعاسى ا.ج. جۇماعالي باستاعان دەلەگاتسيا پاراساتتىلىق جانە جەمقورلىققا قارسى كۇرەس ماسەلەلەرى جونىندەگى جۇمىس توبىنىڭ وتىرىسىنا قاتىسقان.
ءىس-شارادا مەملەكەتتىك جانە جەكە سەكتورلارداعى ادالدىق پەن ساتىلماۋشىلىق, مۇددەلەر قاقتىعىسى, قوعاممەن ءوزارا ءىس-قيمىل ماسەلەلەرى, سونداي-اق جەمقورلىققا قارسى كۇرەستىڭ وزىق قۇرالدارى تالقىلانعان. سونداي-اق, ەلىمىزدىڭ جەمقورلىققا قارسى ساياساتى جانە سىبايلاس جەمقورلىققا قارسى قىزمەتتىڭ جۇمىسى تانىستىرىلعان.
«ايتا كەتۋ كەرەك, قازاقستان حالىقارالىق مامىلەلەردى جۇزەگە اسىرۋ كەزىندە شەتەلدىك لاۋازىمدى تۇلعالارعا پارا بەرۋگە قارسى كۇرەس جونىندەگى ەىدۇ كونۆەنتسياسىنا قوسىلۋعا نيەتتى», دەلىنگەن حابارلامادا.
سىبايلاس جەمقورلىققا قارسى ءىس-قيمىل اگەنتتىگى بۇل مەملەكەتتىك اپپارات پەن قوعامدا پاراساتتىلىق قاعيداتتارىن ەنگىزۋ, قۇقىقتىق كومەك كورسەتۋ, قىلمىسكەرلەردى ەكستراديتسيالاۋ, زاڭسىز اكتيۆتەردى قايتارۋ ماسەلەلەرى بويىنشا ىنتىماقتاستىقتى كۇشەيتۋگە مۇمكىندىك بەرەدى جانە شەت ەلدەردىڭ قۇقىق قورعاۋ ورگاندارىمەن ءتيىمدى ءوزارا ءىس-قيمىل جاساۋ ءۇشىن نەگىز جاسايتىنىن اتاپ ءوتتى.
