فوتو: prodengi.kz
زاڭ كوممۋنالدىق تۇرعىن ءۇي قورىنان نەمەسە جەرگىلىكتى اتقارۋشى ورگانداردىڭ جەكە سەكتوردان جالعا الۋى ارقىلى مۇقتاج ادامدارعا تۇرعىن ءۇي بەرۋدىڭ نەگىزگى بىرنەشە شارالارىن قاراستىرادى. جاڭالىقتاردىڭ ءبىرى – بۇرىن ساتىپ الۋ قۇقىعىنسىز بەرىلگەن تۇرعىن ۇيمەن قوسا, جالعا بەرىلەتىن تۇرعىن ءۇيدى جەكەشەلەندىرۋ قۇقىعى بولىپ تابىلادى. بۇدان باسقا, قۇجات «وتباسى بانك» اق-نى ۇلتتىق دامۋ ينستيتۋتىنا اينالدىرۋدى كوزدەيدى. وعان جەرگىلىكتى اتقارۋشى ورگانداردىڭ مۇقتاج جاندارعا ارنالعان تۇرعىن ءۇيدى ەسەپكە الۋ مەن ەسەپكە قويۋ جانە ءبولۋ جونىندەگى فۋنكتسيالارى بەرىلەدى.
سونداي-اق ونەركاسىپ جانە قۇرىلىس مينيسترلىگىنىڭ تۇرعىن ۇيگە مۇقتاجداردى ەسەپكە قويۋ, مەملەكەتتىك قولداۋ شارالارىن ىسكە اسىرۋ جانە جەكە سەكتورداعى تۇرعىن ۇيگە جالداۋ اقىسىن سۋبسيديالاۋ قاعيدالارىن ازىرلەۋ جانە بەكىتۋ جونىندەگى وكىلەتتىكتەرى كەڭەيتىلۋدە. بۇل تۇرعىن ءۇي ساياساتىن نەعۇرلىم ءتيىمدى جانە اشىق باسقارۋدى قامتاماسىز ەتۋگە مۇمكىندىك بەرەدى. ودان باسقا, زاڭ تۇرعىن ۇيگە مۇقتاج ادامداردىڭ ەلەكتروندىق بازاسىندا ەسەپتە تۇرعان ازاماتتاردىڭ تىزىمدەرىن اي سايىن جاريالاۋدى كوزدەيدى, بۇل ۇسىنىلاتىن قولداۋ شارالارىنىڭ اشىقتىعى مەن جاريالىلىعىن ارتتىرۋعا ىقپال ەتەدى.
سەناتورلار بۇل زاڭ حالىقتىڭ الەۋمەتتىك وسال توپتارىن قورعاۋدا ماڭىزدى دەپ سانايدى. وتىرىس قورىتىندىسى بويىنشا زاڭدى پالاتانىڭ قاراۋىنا جىبەرۋ تۋرالى شەشىم قابىلداندى.
