سۋرەت: ru.freepik.com
قارجىلىق مونيتورينگ اگەنتتىگىنىڭ حابارلاۋىنشا, اگەنتتىك قىزمەتكەرلەرى پاۆلودار وبلىسىنىڭ مەكتەپكە دەيىنگى مەكەمەلەرىندە ءامات باعاسىن نەگىزسىز قىمباتتاتۋ فاكتىلەرىنىڭ جولىن كەستى. جۇرگىزىلگەن مونيتورينگ بارىسىندا ءبىر جشس وڭىردەگى 158 مەكتەپكە دەيىنگى مەكەمەنىڭ 108-ءىنىڭ نەگىزگى جەتكىزۋشى بولعانى انىقتالدى.
مەكتەپكە دەيىنگى مەكەمەلەرمەن (بالاباقشالارمەن) جاسالعان شارتتاردا ءوندىرۋشى زاۋىتتان العان باعادان ءامات-تىڭ تۇپكىلىكتى تۇتىنۋشىسىنا دەيىنگى باعا ايىرماشىلىعى كوزگە ۇرعان. ماسەلەن, كۇنباعىس مايى – 286% ۇستەماقىمەن (ليترىنە 453 تەڭگەدەن 1 300 تەڭگەگە دەيىن), قاراقۇمىق جارماسى – 150% (كيلوسىنا 240 تەڭگەدەن 600 تەڭگەگە دەيىن), قانت – 93% (كيلوسىنا 325 تەڭگەدەن 630 تەڭگەگە دەيىن), تاۋىق جۇمىرتقاسى – 79% (وندىعىنا 430 تەڭگەدەن 770 تەڭگەگە دەيىن), تۇز – 66% (كيلوسىنا 60 تەڭگەدەن 100 تەڭگەگە دەيىن), كۇرىش – 36 % (كيلوسىنا 490 تەڭگەدەن 670 تەڭگەگە دەيىن), سارىماي – 22% (كيلوسىنا 2 075 تەڭگەدەن 2550 تەڭگەگە دەيىن).
«قابىلداعان شارالاردىڭ ناتيجەسىندە اتالعان جشس اكىمشىلىك جاۋاپكەرشىلىككە تارتىلدى. جەتكىزۋشىمەن جاسالعان شارتتار كۇشىن جويدى. قازىرگى ۋاقىتتا مەكتەپكە دەيىنگى مەكەمەلەردە ءامات جەتكىزۋ شارتتارى قايتا قارالىپ, جاڭا كەلىسىمشارتتار جاساسۋ ماسەلەسى قارالىپ جاتىر. وسىلايشا, ۇنەمدەلگەن قاراجات سوماسى 30 ملن تەڭگەنى قۇرايدى. ءامات تاۋارلارىنا باعا بەلگىلەۋدىڭ دەلدالدىق سحەمالارىن تەرگەۋ جونىندەگى وڭىرلىك كوميسسيالار شەڭبەرىندە اگەنتتىك بيۋدجەتتىك ۇيىمدارعا جەتكىزىلەتىن ازىق-ت ۇلىك باعاسىنا جۇيەلى تۇردە مونيتورينگىلەيدى», دەلىنگەن حابارلامادا.
