تۇركىستان قالاسىنىڭ ج.مايكوتوۆ – الماتى كوشەلەرىنىڭ قيىلىسىندا Lexus رح330, Hyundai Elentra, Daewoo Nexia, Lada, ۆاز 2114 كولىكتەرىن تىزگىندەگەن ونعا تارتا جۇرگىزۋشى تەمىر تۇلپارلارىنىڭ ءنومىرىن الىپ تاستاپ, كورتەج جاساپ جۇرگەنى انىقتالدى.
بۇل دەرەك بويىنشا بىردەن جاقىن اۋماقتا جۇرگەن پاترۋلدىك پوليتسياعا حابار بەرىلدى. وقيعا ورنىنا جەتكەن اۆتوەكيپاج جول ەرەجەسىن بۇزعان كولىكتەردى توقتاتۋعا بەلگى بەردى. الايدا ولار پوليتسيانىڭ زاڭدى تالابىنا باعىنعىسى كەلمەدى. وسى ساتتە تاعى ءبىر ەكيپاج كومەككە بارىپ, جان-جاقتى جۇرگىزىلگەن شارالار ناتيجەسىندە قۇقىقبۇزۋشىلارعا تۇساۋ قويىلدى.
تەكسەرۋ كەزىندە كولىكتەردىڭ جول ەرەجەسىن ساقتاماي, تۇرعىنداردىڭ ءتۇن تىنىشتىعىن بۇزعانى بەلگىلى بولدى. بەينەجازبا جاساۋ ءۇشىن قۇقىقبۇزۋشىلىققا بارعان جاس جىگىتتەرمەن پروفيلاكتيكالىق تۇسىندىرمە جۇمىستارى جۇرگىزىلدى. ناتيجەسىندە, قۇقىق بۇزعان جاس جۇرگىزۋشىلەردىڭ اۆتوكولىكتەرى ايىپتۇراققا جەتكىزىلدى.
اتالعان كولىك يەلەرىنە بىرنەشە باپپەن, ياعني مەملەكەتتىك تىركەۋ بەلگىلەرى جوق جانە قارسى باعىتقا شىعىپ كولىك باسقارعانى بويىنشا اكىمشىلىك شارا قولدانىلدى.
