سۋرەت: nauchebu.kz
1998 جىلى 15 جەلتوقساندا قۇرىلعان NNEF قوعامدىق قورى مەكتەپكە دەيىنگى بىلىمنەن باستاپ, ۋنيۆەرسيتەتتەردە جوعارى بىلىكتى ماماندار دايارلاۋعا دەيىنگى ءبىلىم جوبالارىنا ينۆەستيتسيا سالا وتىرىپ, «Lifelong learning» ۇزدىكسىز ءبىلىم بەرۋ تۇجىرىمداماسىن ىسكە اسىرىپ كەلەدى. قور قۇرىلعان ساتتەن ەلىمىزدىڭ ءبىلىم جۇيەسىن دامىتۋعا 120 ملرد تەڭگە قاراجات بولگەن. بۇل قارجى بالاباقشالاردى, مەكتەپتەر مەن جوعارى وقۋ ورىندارىن اشۋعا, دامىتۋعا, سونداي-اق يننوۆاتسيالىق باعدارلامالار مەن تەحنولوگيالاردى ەنگىزۋگە باعىتتالدى.
ء«بىلىم بەرۋ مەكەمەلەرى قىزمەتىنىڭ ناتيجەسىندە تۇسكەن بارلىق كىرىسىمىز مەكتەپ, بالاباقشا, ۋنيۆەرسيتەت قىزمەتىن ودان ءارى دامىتۋعا جانە جاڭعىرتۋعا باعىتتالادى. اكتسيونەرلەر تۇسكەن پايدانى وقۋ ورىندارىنا تولىعىمەن قايتا ينۆەستيتسيالايدى. بۇل – ءبىزدىڭ ستراتەگيالىق باعىتىمىز جانە قور جۇمىسىنىڭ نەگىزگى قاعيداسى. NNEF 2 جاستان باستاپ ۇزدىكسىز ءبىلىم بەرۋدىڭ قايتالانباس ەكوجۇيەسىن قۇرايدى. بۇلار: 3 بالاباقشا, 4 مەكتەپ, 5 ۋنيۆەرسيتەت (قبتۋ, Astana IT University, Energo University, UIB, حاتۋ), سونداي-اق «قازاقستاننىڭ SOS بالالار اۋىلدارى» الەۋمەتتىك جوباسى. قبتۋ – ءبىلىم عانا ەمەس, ەلىمىزدىڭ بولاشاعىن قالىپتاستىراتىن تاريح پەن يننوۆاتسيالار سينتەزى. جوعارى وقۋ ورنىن جەكە قور ارقىلى ءتيىمدى باسقارۋ ستۋدەنتتەر مەن وقىتۋشىلاردىڭ, ياعني ەلىمىزدىڭ دامۋىنا وڭتايلى جاعداي جاساۋعا مۇمكىندىك بەرەتىنىنە سەنىمدىمىز», دەپ اتاپ ءوتتى NNEF قورى «University Alliance of Science and Technology» ۋنيۆەرسيتەتتىك اليانسىنىڭ جەتەكشىسى مايرا حۋساينوۆا.
جوعارى وقۋ ورنىن باسقارۋ NNEF قورىنا بەرىلگەن ساتتەن باستاپ قبتۋ سەرپىندى دامۋ جولىنا ءتۇستى. كەيىنگى جىلدارى قور ۋنيۆەرسيتەتتىڭ دامۋىنا 11 ملرد تەڭگە جۇمسادى. بۇل قاراجات زاماناۋي ءبىلىم الۋعا, عىلىمي زەرتحانالاردى جابدىقتاۋعا, 980 ورىندىق جاڭا جاتاقحانا مەن اۋدانى 2 400 شارشى مەتر سپورت كەشەنىن سالۋعا, ماتەريالدىق-تەحنيكالىق بازاسىن جاقسارتۋعا باعىتتالدى.
NNEF قورىنىڭ باسشىلىعى ۋنيۆەرسيتەتتە زاماناۋي ءبىلىم كەڭىستىگىن قامتاماسىز ەتە وتىرىپ, ءار ستۋدەنتتىڭ ەمىن-ەركىن دامۋىنا, ىزدەنۋىنە قولايلى جاعداي جاساپ وتىر. بۇگىندە قازاقستان-بريتان تەحنيكالىق ۋنيۆەرسيتەتى قور تاراپىنان قارجىلاندىرىلىپ, بىلىكتى ماماندار دايارلاۋدىڭ زاماناۋي ورتالىعىنا اينالدى. قبتۋ جەتىستىگى NNEF مودەلىنىڭ ءساتتى جۇزەگە اسقانىن كورسەتەدى.
الماتى
