ورتالىق ساكەن سەيفۋللين-ءنىڭ ادەبيەتتانۋ, فولكلورلىق, لينگۆيستيكالىق, مۋزىكالىق, تاريحي زەرتتەۋلەرىن, تۇرىكتانۋداعى ەڭبەكتەرىن پەداگوگيكالىق باعىتتا جاڭاشا كوزقاراس تۇرعىسىنان زەردەلەپ, جان-جاقتى زەرتتەۋدى كوزدەيدى. سونىمەن قاتار حالىق شارۋاشىلىعىن ۇيىمداستىرۋداعى, حالىق اعارتۋ سالاسىنداعى, مادەنيەت, باسپا ءىسىن دامىتۋداعى, سوت جۇيەسى, كەدەندىك قىزمەتتىڭ ىسكە اسۋىنداعى, قارجىلىق جۇيە مەن سالىق سالاسىن ءبىر جۇيەگە كەلتىرۋدە اتقارعان ەڭبەكتەرىن ناسيحاتتايدى.
س.سەيفۋللين اتىنداعى عىلىمي-زەرتتەۋ ورتالىعىنىڭ جەتەكشىلىگىنە قازاق جانە ورىس تىلدەرى كافەدراسىنىڭ مەڭگەرۋشىسى, پەداگوگيكا عىلىمدارىنىڭ كانديداتى, قاۋىمداستىرىلعان پروفەسسور ارداق تىلەۋلەسوۆا تاعايىندالدى.
استانا قالاسىنداعى ساكەن سەيفۋللين اتىنداعى مۇراجاي ديرەكتورى, تاريح عىلىمدارىنىڭ دوكتورى, پروفەسسور مارات ابسەمەتوۆ ورتالىققا س.سەيفۋللين مۋزەيىنەن شىققان «سىرساندىق» سەرياسىنىڭ 10 تومدىعىن سىيعا تارتتى. سونىمەن قاتار اكادەميك ە.بوكەتوۆ اتىنداعى قاراعاندى زەرتتەۋ ۋنيۆەرسيتەتىنىڭ پروفەسسورى, فيلولوگيا عىلىمدارىنىڭ دوكتورى ش.جالماحانوۆ, عالىم, دراماتۋرگ ع.ەشتاناەۆ, فيلولوگيا عىلىمدارىنىڭ دوكتورى, پروفەسسور ج.جاقىپ جۇرەكجاردى لەبىزدەرىن ءبىلدىردى.
سونىمەن قاتار مۇندا تاريح عىلىمدارىنىڭ دوكتورى, پروفەسسور ع.الپىسباەۆانىڭ جەتەكشىلىگىمەن, قازاقستان تاريحى كافەدراسى عالىمدارىنىڭ قۇراستىرۋىمەن شىققان «ساكەن جولى» اتتى كىتاپتىڭ تۇساۋكەسەرى ءوتتى.
ۋنيۆەرسيتەتتىڭ عىلىمي الەۋەتىن دامىتۋعا باعىتتالعان بۇل ماڭىزدى قادام – پروفەسسور-وقىتۋشىلار قۇرامىنا, اسىرەسە جاس عالىمدار مەن زەرتتەۋشىلەرگە عىلىمي جوبالارىمەن اينالىسۋعا, مادەنيەت پەن عىلىمنىڭ كۇردەلى اسپەكتىلەرىن تەرەڭ زەرتتەۋگە ۇلكەن مۇمكىندىك.
