فوتو: instagram.com/acbk.kz
قاراعاندى وبلىسىنا قاراستى شەت جانە اقتوعاي اۋداندارىنىڭ تاۋلارىندا سيرەك كەزدەسەتىن جابايى سابانشى فوتوتۇزاققا ءتۇسىپ قالعان.
2023 جىلدىڭ كۇزىنەن باستاپ ايماقتا 19 فوتوتۇزاق ورناتىلعان, بىراق جىل ىشىندە سابانشى ەكەۋىندە عانا بايقالعان.
اسبك عىلىمي قىزمەتكەرى يليا سمەليانسكيدىڭ ايتۋىنشا, سابانشىلاردىڭ ەكى فوتوتۇزاقتا عانا كورىنۋى تاڭعالارلىق ەمەس, سەبەبى تۇزاقتار وسى جابايى سابانشىنىڭ ورتالىق قازاقستاننىڭ ۇساق شوقىلارىنداعى تارالۋ شەكارالارىن انىقتاۋ ماقساتىندا ارنايى ورنالاستىرىلعان. فوتوتۇزاقتاردىڭ كوبى ونىڭ تۇراقتى مەكەندەيتىن اۋماعىنان تىس ورنالاسقان, ايماق سابانشىعا قولايسىز بولۋى مۇمكىن, سەبەبى قىستا مۇندا قار مولشەرى وتە كوپ.
كەلەسى جىلى سابانشى جانە باسقا سيرەك كەزدەسەتىن جانۋارلاردىڭ تارالۋىن ءارى قاراي باقىلاۋ ءۇشىن قاراعاندى وبلىسىنىڭ اۋماعىنا 27 فوتوتۇزاق ورناتىلدى.
