شەتەلدىك ماركەتپلەيستەر شەرۋى

«Finprom» دەرەگى بويىنشا, بيىل قاڭتار-تامىز ارالىعىندا «Wildberries» الاڭىندا وتان­داس­تا­رىمىزدىڭ تاپسىرىسى وتكەن جىلعى كەزەڭگە قاراعاندا 2 ەسە وسكەن. «Ozon» ماركەتپلەيسى دە فيزيكالىق ساتۋ كولەمىن بيىل 12 ەسە ارتتىرىپتى. حالىقارالىق ماركەتپلەيستەردىڭ كەڭ ءورىس الۋىنا ساتىپ الۋشىلاردىڭ بەلسەندىلىگى عانا ەمەس, لوگيس­تي­­كانىڭ دامۋى دا اسەر ەتەدى. ماسەلەن, «Wildberries» كوم­پا­نيا­سىنىڭ بىزدەگى ءىرى قالالاردا 3 ءىرى لوگيستيكالىق ورتالىعى بار, قازىر استانا مەن الماتىدا تاعى 2 ورتالىق سالىنىپ جاتىر. الپاۋىت الاڭنىڭ ءباسپاسوز قىزمەتىنىڭ مالىمەتىنشە, تاپسىرىستاردى بەرۋ پۋنكتتەرىنىڭ (تبپ) سانى وتكەن جىلى 8,9 ەسە كوبەيگەن. بيىل تامىزدا 2023 جىلدىڭ جەلتوقسانىنىڭ سوڭى­مەن سالىستىرعاندا تاعى 52%-عا ءوسىپتى.

2024 جىلدىڭ ەكىنشى توق­سانى­نىڭ قورىتىندىسى بو­يىنشا, «Ozon»-داعى تاپ­سى­رىس­­تار­دى بەرۋ پۋنكت­تەرىنىڭ سانى 2023 جىلدىڭ سايكەس كە­زە­ڭىمەن سالىس­تىرعاندا 15 ەسە وسكەن.

بىلتىر ەلدەگى ەلەكتروندىق ساۋدا نارىعى رەكوردتىق دەڭ­­گەي­گە جەتىپ, 2,4 ترلن تەڭگە بولدى. ياعني  24,2%. ترانزاكتسيالار سانى 84,1%-عا ءوسىپ, 90,2 ملن-عا جۋىقتادى. ۇلتتىق ستاتيس­تيكا بيۋروسىنىڭ دەرەگىنشە, ماركەتپلەيستەر ارقىلى سا­تىل­عان تاۋارلار جالپى ەلەكتروندىق ساۋ­دا كولەمىنىڭ 72,4%-ىنا شا­ما­لاس, بۇل شامامەن 1,8 ترلن تەڭ­گەگە پارا-پار. ال وتاندىق ۇيىم­داردىڭ ءوز سايتتارى ار­قى­لى ساتۋ كولەمى الدەقايدا از. بار بولعانى – 672 ملن تەڭگە.

«PwC Kazakhstan» كوم­پانيا­­سىنىڭ زەرتتەۋ قورى­تىن­­دى­لا­­رىنا سۇيەنسەك, 2023 جىلى ەلەك­­تروندىق ساۋدا ءوسىمىنىڭ نە­گىز­گى قوزعاۋشى كۇشى تاعى دا حا­لىق­ارا­لىق ماركەتپلەيستەر بولعان. ولاردىڭ ساتىلىمى 3,7 ەسە ءوسىپ, جەرگىلىكتى ماركەتپلەيستەر ساتىلىمدى 1,7 ەسە ارت­تىرعان. نەگىزى ماركەتپلەيس­تەرگە تەك ساتىپ الۋشىلار عانا ەمەس, كاسىپكەرلەر دە ۇلكەن قىزى­عۋشىلىق تانىتادى. وتكەن جىلى «Wildberries»-تە وتاندىق ساتۋشىلار سانى 45%-عا ءوستى, ال «Ozon»-دا ساتۋشىلار سانى 4,6 ەسە ارتقان. بيىل دا بۇل ءۇردىس جالعاسىن تاۋىپ وتىر.