حالىقارالىق فورۋمنىڭ اشىلۋىندا ءسوز سويلەگەن پرەزيدەنت جانىنداعى ۇلتتىق عىلىم اكادەمياسىنىڭ پرەزيدەنتى اقىلبەك كۇرىشباەۆ عىلىمنىڭ دامۋى مەن ونىڭ ەكونوميكاعا ىقپالىنا ەرەكشە نازار اۋدارۋ قاجەتتىلىگىنە توقتالدى.
«بۇگىنگى تاڭدا عىلىمدى كوممەرتسيالاندىرۋ – كەز كەلگەن ەلدىڭ تۇراقتى ەكونوميكالىق دامۋىنىڭ باستى فاكتورى. قازاقستان ءۇشىن بۇل باعىت ەرەكشە ماڭىزدى, سەبەبى ءبىزدىڭ عىلىمي الەۋەتىمىزدى ناقتى ەكونوميكالىق جەتىستىكتەرگە اينالدىرۋ – بولاشاعىمىزدىڭ نەگىزى. عىلىمدى كوممەرتسيالاندىرۋ – قازاقستان مەن تۇتاس ەۋرازيا ايماعىنىڭ تۇراقتى ەكونوميكالىق دامۋىنىڭ ماڭىزدى فاكتورى. قارجىلاندىرۋدىڭ جەتكىلىكسىزدىگى, ينفراقۇرىلىم مەن كادرلاردىڭ تاپشىلىعى, سونداي-اق قۇقىقتىق بازانىڭ جەتىلمەۋى سياقتى ماسەلەلەردى عىلىمي ەكوجۇيەنى دامىتۋعا باعىتتالعان كەشەندى شارالار ارقىلى شەشۋ مۇمكىن. تەك جۇيەلى تاسىلمەن عانا قازاقستان عىلىمي جەتىستىكتەردى ءتيىمدى تۇردە باسەكەگە قابىلەتتى ونىمدەر مەن قىزمەتتەرگە اينالدىرىپ, ەكونوميكانىڭ تۇراقتى ءوسىمىن قامتاماسىز ەتە وتىرىپ ەۋرازيادا كوشباسشى ورىنعا شىعۋعا مۇمكىندىك الادى» دەپ اتاپ ءوتتى.
ۇعا پرەزيدەنتىنىڭ ايتۋىنشا, عىلىمي ازىرلەمەلەردى ەكونوميكاعا ەنگىزۋ مەحانيزمدەرىنىڭ, جوبالار عىلىم مەن بيزنەس اراسىنداعى بايلانىستىڭ جوقتىعى, سونداي-اق ستارتاپتاردى قولداۋ جۇيەسىنىڭ بولماۋى سالدارىنان ىسكە اسپاي قالادى. عىلىمي يدەيالاردىڭ باسەكەگە قابىلەتتى نارىقتىق ونىمدەرگە اينالۋى ءۇشىن ستارتاپتار مەن سكەيلاپ ورتالىقتاردى دامىتۋعا قولايلى جاعداي جاساۋ قاجەت.
عىلىم جانە جوعارى ءبىلىم ۆيتسە-ءمينيسترى دارحان احمەد-زاكيدىڭ پىكىرىنشە, عىلىم سالاسى ەكونوميكا مەن قوعامعا ناقتى پايدا اكەلەتىن پراكتيكالىق باعىتقا اۋىساتىنىن جانە ول وتاندىق كاسىپورىنداردىڭ باسەكەگە قابىلەتتىلىگىن ارتتىرىپ, ازاماتتارىمىزدىڭ ءومىر ءسۇرۋ ساپاسىن جاقسارتا وتىرىپ, وندىرىسكە ەنگىزىلۋى مۇمكىن جانە ەنگىزىلۋى ءتيىس جاڭا يدەيالار, تەحنولوگيالار مەن شەشىمدەر اكەلەدى.
«بۇگىن ءبىزدىڭ الدىمىزدا ۇلكەن مىندەتتەر تۇر. ءبىز عىلىم مەن تەحنولوگيا كەز كەلگەن مەملەكەتتىڭ تابىسىنىڭ نەگىزگى فاكتورىنا اينالاتىن جىلدام جاھاندىق وزگەرىستەر داۋىرىندە ءومىر ءسۇرىپ جاتىرمىز. قازاقستان عىلىمي-يننوۆاتسيالىق دامۋ سالاسىندا جەتەكشى ورىنعا يە بولۋعا ۇمتىلادى جانە بۇل عىلىم, ونەركاسىپ جانە بيزنەس اراسىنداعى تىعىز ىنتىماقتاستىقسىز مۇمكىن ەمەس. وسىعان بايلانىستى ءبىز عىلىم مينيسترلىگى رەتىندە عىلىم مەن بيزنەس ناتيجەلى ءوزارا ارەكەتتەسە الاتىن ءتيىمدى ەكوجۇيەنى قۇرۋعا ايتارلىقتاي كۇش سالامىز» دەدى ۆيتسە-مينيستر.
«تۇران» ۋنيۆەرسيتەتىنىڭ رەكتورى راحمان الشانوۆ عىلىمدى دامىتۋ مەن يننوۆاتسيالىق شەشىمدەردى وندىرىسكە ەنگىزۋدىڭ كوپتەگەن مۇمكىنشىلىگى بار ەكەنىن اتاپ وتسە, ەلىمىزدە جۇزەگە اسىپ جاتقان جوبالار بارىسىنا توقتالعان «عىلىم قورى» باسقارما توراعاسى كاميل اقاتوۆ, يننوۆاتسيالىق جوبالارعا, ولاردىڭ ەل ەكونوميكاسىن كوتەرۋدەگى ماڭىزىنا توقتالدى.
فورۋم بارىسىندا «سكولكوۆو» قورى باس ديرەكتورىنىڭ ورىنباسارى ا. وكۋنەۆ (رەسەي), «Gund Investment» باسقارما توراعاسى د.جارگالسايحان (موڭعوليا), «Qazinnovations» باسقارما توراعاسى س.جولدىحان, باسقا دا عالىمدار پانەلدىك سەسسيالار بارىسىندا ءوز تاجىريبەلەرىمەن بولىسسە, رەسەي, قىرعىستان, تاجىكستان, ءازىربايجان, مونعوليا جانە قازاقستان عالىمدارى 50-دەن استام بيزنەس جوبالارىن تانىستىرىپ, ىسكە اسىرۋ تەتىكتەرىن قاراستىردى.
فورۋم اياسىندا پرەزيدەنت جانىنداعى ۇلتتىق عىلىم اكادەمياسى مەن «سكولكوۆو» رەسەي قورىنىڭ اراسىنداعى عىلىمدى كوممەرتسيالاندىرۋ بويىنشا ەكى جاقتى كەلىسىمگە قول قويۋى عالىمدارعا عىلىمي جاڭالىعىن حالىقارالىق دەڭگەيدە دامىتۋعا مۇمكىندىك بەرەدى.
الماتى
