فوتولار: استانا اكىمدىگى
قالالىق اكىمدىكتىڭ رەسمي سايتىنان حابارلانعانداي, وعان جاستار ساياساتى ماسەلەلەرى جونىندەگى باسقارمانىڭ, ءبىلىم باسقارماسىنىڭ باسشىلارى, استانا پروكۋرورىنىڭ كامەلەتكە تولماعاندار جونىندەگى اعا كومەكشىسى, پد جەرگىلىكتى پوليتسيا قىزمەتى باسقارماسى باستىعىنىڭ ورىنباسارى, بالا قۇقىقتارى جونىندەگى ۋاكىل جانە باسقا دا ماماندار قاتىستى.
جىل باسىنان بەرى كامەلەتكە تولماعاندار تاراپىنان 186 قۇقىق بۇزۋشىلىق جاسالعانىن ايتقان اكىمنىڭ ورىنباسارى قالادا ءبىلىم بەرۋ مەكەمەلەرىنىڭ باسشىلارى تاراپىنان باقىلاۋدى كۇشەيتۋ جانە بولاشاقتا بۇزۋشىلىقتاردىڭ الدىن الۋ ءۇشىن قاتاڭ شارالار قابىلداۋ تالاپ ەتىلەتىنىن اتاپ ءوتتى.
«مۇنداي قۇقىق بۇزۋشىلىقتار ءۇشىن جاۋاپكەرشىلىك وقيعالارعا تىكەلەي قاتىسۋشىلارعا عانا ەمەس, سونىمەن قاتار ستۋدەنتتەردىڭ, قىزمەتكەرلەردىڭ قاۋىپسىزدىگىن قامتاماسىز ەتۋگە جانە وسىنداي جاعدايلاردىڭ تۋىنداۋىن بولدىرمايتىن جاعدايلار جاساۋعا مىندەتتى وقۋ ورىندارىنىڭ باسشىلارىنا دا جۇكتەلەدى. بۇل مىندەتتەردى ورىنداماۋ قاتاڭ تارتىپتىك شارالاردى تالاپ ەتەتىن ورەسكەل بۇزۋشىلىق رەتىندە قاراستىرىلادى», دەدى ەسەت بايكەن.
كەڭەس بارىسىندا ول ەلوردالىق ءبىلىم باسقارماسى مەن ءبىلىم بەرۋ ۇيىمدارىنا, پسيحولوگيالىق قولداۋ ورتالىعىنا جانە پوليتسيا دەپارتامەنتىنە مەكتەپتە قاۋىپسىز جانە دامىعان ورتانى قۇرۋعا كومەكتەسەتىن شارا قولدانۋ بويىنشا بىرقاتار تاپسىرما بەردى.
