فوتو: اقوردا
قاسىم-جومارت توقاەۆ ۋ ۆون شيكتىڭ كورەيا رەسپۋبليكاسى ۇلتتىق اسسامبلەياسىنىڭ توراعاسى رەتىندە قازاقستانعا جاساعان العاشقى ساپارى ەلدەرىمىز اراسىنداعى تىعىز قارىم-قاتىناستاردىڭ دالەلى ەكەنىن ايتتى.
پرەزيدەنت قازاقستاننىڭ ازياداعى نەگىزگى سەرىكتەستەرىنىڭ ءبىرى وڭتۇستىك كورەيامەن اراداعى سانقىرلى ىنتىماقتاستىق قارقىندى دامىپ كەلە جاتقانىن ايرىقشا اتاپ ءوتتى.
مەملەكەت باسشىسى تاراپتاردىڭ پارلامەنتارالىق ىقپالداستىقتى جانداندىرۋ جولىنداعى كۇش-جىگەرىنە قولداۋ ءبىلدىردى. بۇل – ساياسي, ساۋدا-ەكونوميكالىق جانە مادەني-گۋمانيتارلىق بايلانىستاردى ودان ءارى نىعايتۋ ءىسىنىڭ ماڭىزدى تەتىگى.
ۋ ۆون شيك قوناقجايلىق تانىتقانى ءۇشىن قازاقستان پرەزيدەنتىنە العىس ايتىپ, قازاق-كورەي بايلانىسىن بارلىق باعىت بويىنشا تەرەڭدەتۋگە دايىن ەكەنىن جەتكىزدى.
قاسىم-جومارت توقاەۆ پەن ۋ ۆون شيك اۆتوكولىك قۇراستىرۋ, ەنەرگەتيكا, ونەركاسىپ, ءبىلىم جانە مادەنيەت سالالارىندا قازىر جۇزەگە اسىرىلىپ جاتقان جانە الداعى ۋاقىتقا جوسپارلانعان بىرلەسكەن جوبالار جونىندە پىكىر الماستى.
اڭگىمەلەسۋ بارىسىندا بارلىق دەڭگەيدەگى ديالوگتى جالعاستىرۋدىڭ, سونداي-اق كوپجاقتى الاڭدار اياسىنداعى كەزدەسۋلەردىڭ ماڭىزدى ەكەنى ايتىلدى.
