سۋرەت: kazislam.kz
مۇنداي جيىن قازىرگى تاڭدا ادامزات بالاسىنا اۋاداي قاجەت بولىپ تۇر. بۇگىندە الەمنىڭ كوپتەگەن ەلىندە قانداي جاعداي بولىپ جاتقانىن كورىپ وتىرمىز. ءبىر ەلدەردە قارۋلى قاقتىعىستار, باسقالارىندا گۋمانيتارلىق داعدارىس ورىن الىپ جاتىر. سونىڭ ىشىندە كەي مەملەكەتتەردەگى مۇسىلمان باۋىرلارىمىزدىڭ قانداي كۇي كەشىپ جاتقانىن ءبارىمىز بىلەمىز. وسى باسقوسۋدا قازاقستان پارلامەنتى سەناتىنىڭ توراعاسى ماۋلەن اشىمباەۆ تاياۋ شىعىستا ورىن العان كەلەڭسىزدىكتەردى قوزعاپ ءوتتى. ءبارىمىز ءبىر ويعا توقتاپ, اتالعان ماسەلەنى شەشۋدە تىزە قوسۋىمىز كەرەك ەكەنىن مالىمدەدى. مەن بۇل ويدى تولىق قولدايمىن جانە وسىنداي ىرگەلى جيىندار الەمدەگى قاقتىعىستار مەن كيكىلجىڭدەردى شەشۋگە وڭ ىقپال ەتەدى دەپ سەنەمىن.
مۇسىلمان اقساقالدار كەڭەسىنىڭ دە ماقساتى – بەيبىتشىلىك پەن جاھاندىق دىنارالىق ديالوگتى نىعايتۋ. ءبىز بەيبىتشىلىك پەن ىنتىماق جولىندا جۇمىس جۇرگىزىپ كەلە جاتقان تاۋەلسىز حالىقارالىق ۇيىمبىز. بۇعان دەيىن شۆەيتساريا, مىسىر, ماروككو ەلدەرىندە فيليالدارىمىز اشىلسا, بىلتىردان بەرى استانادا دا فيليالىمىز جۇمىس ىستەپ جاتىر. قازاقستانمەن كونفەسسياارالىق كەلىسىم مەن دىنارالىق ديالوگ سالاسىندا تاجىريبە الماسىپ كەلەمىز.
مۇحاممەد ابدەلسالام,
مۇسىلمان اقساقالدار كەڭەسىنىڭ باس حاتشىسى ء(باا)
