فوتو: عىلىم جانە جوعارى ءبىلىم مينيسترلىگى
اڭگىمەلەسۋ بارىسىندا تاراپتار ەكىجاقتى ىنتىماقتاستىق پەن ستۋدەنتتەرمەن الماسۋ ءۇشىن قازاقستان اۋماعىندا Penn State University كامپۋسىن اشۋ پەرسپەكتيۆاسىن, امەريكالىق وقۋ ورنىنىڭ فيليالىندا ماماندار دايارلاۋ ءۇشىن باسىم ءبىلىم بەرۋ باعدارلامالارىن ايقىنداۋدى, سونداي-اق عىلىمي زەرتتەۋلەر مەن تەحنولوگيالاردى دامىتۋ سالاسىنداعى الەۋەتتى ۇزاق مەرزىمدى حالىقارالىق ارىپتەستىكتەردى قاراستىردى.
«مەملەكەت باسشىسى عىلىم جانە جوعارى ءبىلىم مينيسترلىگىنە قازاقستاندا شەتەلدىك جوعارى وقۋ ورىندارىنىڭ فيليالدارىن اشۋ مىندەتتەرىن قويىپ وتىر. ءبىز حالىقارالىق ستۋدەنتتەردى تارتۋ ءۇشىن قازاقستاندى جاھاندىق اكادەميالىق حابقا اينالدىرعىمىز كەلەدى, بۇل الەمنىڭ جەتەكشى ۋنيۆەرسيتەتتەرىمەن ىنتىماقتاستىقتى ەداۋىر كەڭەيتۋگە مۇمكىندىك بەرەدى», دەدى ساياسات نۇربەك.
مينيستر قولايلى ءبىلىم بەرۋ ورتاسىن قۇرۋدىڭ ماڭىزدىلىعىنا توقتالدى. ول اعىلشىن تىلىندە وتەتىن باعدارلامالار, حالىقارالىق زەرتتەۋ باستامالارى مەن الماسۋ باعدارلامالارىن قامتۋى ءتيىس. ول قازاقستانداعى ءبىلىم ساپاسىن ارتتىرىپ قانا قويماي, شەتەلدىك ارىپتەستەرمەن ءبىلىم مەن تاجىريبە الماسۋدى قامتاماسىز ەتەتىنى اتاپ ءوتىلدى.
Penn State University دەكانى قازاقستاننىڭ اۋماعىندا شەتەلدىك ۋنيۆەرسيتەتتەردىڭ فيليالدارىن جوبالاۋ جانە ورنالاستىرۋ تاجىريبەسىن جوعارى باعالاپ, ەلىمىزدىڭ ارىپتەستىك ءوزارا ءىس-قيمىلدى جۇزەگە اسىرۋداعى وڭ ءۇردىسىن اتاپ ءوتتى.
«مۇنداي جاعدايلار Penn State University-دىڭ بولاشاقتاعى ىنتىماقتاستىقتى جالعاستىرۋعا جانە تەرەڭدەتۋگە دەگەن سەنىمىن ايتارلىقتاي ارتتىرادى», دەدى ستيۆەن گوردون بارنس.
كەزدەسۋ سوڭىندا تاراپتار ىنتىماقتاستىقتى كەڭەيتۋگە دايىن ەكەندىكتەرىن ءبىلدىردى.
ەستەرىڭىزگە سالا كەتەيىك, Penn State University 2022 جىلدان باستاپ قازاقستاندىق ستۋدەنتتەر مەن وقىتۋشىلاردى وقىتۋعا 3 ملن. اقش دوللارىنان استام گرانتتىق قارجىلاندىرۋ ءبولدى.
