فوتو: اشىق دەرەككوز
الماتى قالاسىنىڭ پروكۋراتۋراسى 2019-2023 جىلدارعا ۇلتتىق كينونى قولداۋعا بولىنگەن بيۋدجەت قاراجاتىن يگەرۋ كەزىندەگى زاڭدىلىقتىڭ جاي-كۇيىنە تەكسەرۋ جۇرگىزگەن.
«ۇلتتىق فيلمدەردi تيiمسiز قارجىلاندىرۋ فاكتiلەرi انىقتالدى, بۇل ۇلتتىق كينونى قارجىلاندىرۋدىڭ ەكونوميكالىق ورىنسىزدىعىمەن بايلانىستىرىلعان. مىسالى, 2019-2021 جىلدار ارالىعىندا «ۆىبور» كينوفيلمى ونى ءتۇسىرۋدىڭ بارلىق كەزەڭىندە 500 ملن تەڭگە سوماسىنا تولىق كولەمدە قارجىلاندىرىلدى. الايدا مەملەكەت تولىقتاي قولداعانىنا قاراماستان, اتالعان فيلم پروكاتقا سول كۇيى شىقپادى», دەلىنگەن حابارلامادا.
ايتا كەتەيىك, «كينەماتوگرافيا تۋرالى» قازاقستان رەسپۋبليكاسى زاڭىنىڭ 12-بابى 1-تارماعىنا سايكەس مەملەكەتتىك قارجىلىق قولداۋ, ۇلتتىق فيلمدەردى جانە سوعان بايلانىستى ءىس-شارالاردى شىعارۋدى, پروكاتتاۋدى جانە كورسەتۋدى ۇيىمداستىرۋ, سونداي-اق ۇلتتىق فيلمدەردى شەتەلدە كورسەتۋ ءۇشىن ۇسىنىلادى.
ودان بولەك, اتالعان فيلمگە پروكاتتاۋ كۋالىگى الىنباعان, بۇل زاڭنىڭ 14-بابى 1-تارماعىنا قايشى كەلەدى (ۇلتتىق دەپ تانىلعان فيلمگە ۇلتتىق ءفيلمنىڭ كۋالىگى بەرىلەدى).
«وسىلايشا مەملەكەت زاڭنامادا كوزدەلگەن پروكاتتان جانە فيلم كورسەتىلىمىنەن تۇسەتىن كىرىستىڭ 20%-ىن الۋ مۇمكىندىگىنەن ايىرىلعان. تاعى ءبىر ۇقساس جايت, 421 ملن تەڭگە سوماعا قارجىلاندىرىلعان «تىرنالار» ءفيلمى پروكاتقا شىققان جوق. 2019 جىلدان باستاپ فيلمدەر مونيتورينگىنىڭ بىرىڭعاي اۆتوماتتاندىرىلعان اقپاراتتىق جۇيەسى قولدانىسقا ەنگىزىلمەگەن, ول ەلدىڭ بارلىق كينوتەاترلارىندا كينوكورسەتىلىمدەر مەن ساتىلعان بيلەتتەر بويىنشا, سونداي-اق ءفيلمنىڭ بيۋدجەتى بويىنشا ستاتيستيكانى قاداعالاۋعا مۇمكىندىك بەرەر ەدى. كينوجوبالارعا وبەكتيۆتى ىرىكتەۋ جۇرگىزىلمەيتىن ساراپتامالىق كەڭەستىڭ جۇمىسى جەكەلەگەن نارازىلىقتاردى تۋدىرىپ وتىر, ونىڭ ۇستىنە كينوكومپانيالاردىڭ پروديۋسەرلەرى, رەجيسسەرلەرى, اكتەرلەرى, قۇرىلتايشىلارى ءبىر ۋاقىتتا ساراپتامالىق كەڭەستىڭ مۇشەلەرى بولىپ, ناتيجەسىندە جوبا قارجىلاندىرىلعان, بۇل قر ۇكىمەتىنىڭ 15.03.2019 جىلعى №113 قاۋلىسىنا قايشى كەلەدى», دەپ حابارلادى ۆەدومستۆو وكىلدەرى.
ناتيجەسىندە, كورسەتىلەتىن مەملەكەتتىك قارجىلىق قولداۋعا قاراماستان, كۇتىلەتىن ماقساتتار مەن مىندەتتەرگە قول جەتكىزىلمەگەن.
قالا پروكۋراتۋراسىنىڭ قاداعالاۋ اكتىسى بويىنشا قر مادەنيەت جانە اقپارات مينيسترلىگى مادەنيەت كوميتەتى توراعاسىنىڭ ورىنباسارى, سونداي-اق «ۇلتتىق كينونى قولداۋ مەملەكەتتىك ورتالىعى» كەاق باسقارما توراعاسىنىڭ ورىنباسارى تارتىپتىك جاۋاپتىلىققا تارتىلعان.
