جاساندى ينتەللەكتىنىڭ اكەسى يلون تەننەسسيدەن (اقش) ۇلكەن دەرەكتەر ورتالىعىن اشتى. «SpaceX» نەگىزىن قالاپ, ورتالىقتىڭ اتاۋىن «AI Colossus» دەپ قويدى. ءتۇسىندىرىپ وتەر بولساق, بۇل اتاۋدى ەكىنشى دۇنيەجۇزىلىك سوعىس كەزىندە دەرەكتەردى دەكودتاۋدا قولدانىلعان العاشقى ەلەكتروندى ەسەپتەۋ قۇرىلعىسىنا بايلانىستى قويعان.
ال وراسان ورتالىق الەمدەگى ەڭ قۋاتتى تسيفرلىق قامالعا اينالماق. مۇندا 100 000-نان اسا چيپ بار. سەنەسىز بە, بۇل عالامشارداعى كەز كەلگەن جاساندى ينتەللەكت جۇيەسىنەن كوپ. جاقىندا ميللياردەر «Colossus» پايدالانۋعا بەرىلدى دەپ ءوزى حابارلادى. ونىڭ جۇمىسىندا 100 000-نان اسا «NVIDIA H100» گرافيكالىق پروتسەسسورلارى قولدانىلادى.
– ءبىزدىڭ كوماندا «Colossus» وقۋ كلاستەرىن ونلاين رەجىمدە ىسكە قوستى. جۇمىس 122 كۇندە ءبىتتى. قازىر الىپ الاڭ الەمدەگى ەڭ قۋاتتى وقىتۋ جۇيەسىنە اينالىپ وتىر. بىرنەشە ايدان كەيىن چيپتەرىنىڭ سانى 200 000-عا دەيىن ارتادى, – دەپ جازدى ماسك.
ماسكتىڭ «xAI» دەپ اتالاتىن كومپانياسى جاساندى ينتەللەكت توڭكەرىسىن جاساپ كەلەدى. ەندى تاعى نە ىستەر ەكەن؟
