ايتا كەتۋ كەرەك, جاڭا تسيتومەتر جۇمىس بارىسىندا جاسۋشالاردى زەرتتەيتىن فلۋورەستسەنتتى اعىندى تسيتومەتريا ءادىسىن پايدالانادى. ءوز كەزەگىندە سىناق ناتيجەلەرىنە ادام فاكتورلارىنىڭ اسەرىن ازايتۋ ماقساتىندا DxFLEX تسيتومەترى اۆتوماتتى ۇلگى جۇكتەۋشىمەن جابدىقتالعان. جاڭا تسيتومەتردىڭ ونىمدىلىگى 23 مينۋتتا 32 تۇتىكتى قامتيدى, ياعني زەرتتەۋ ناتيجەلەرىن جىلدام الۋدى قامتاماسىز ەتەدى. ءارى لەۆي-دجەننينگس گرافيكتەرىن پايدالانۋ جولىمەن قۇرالدىڭ پارامەترلەرىنە ىشكى زەرتحانالىق باقىلاۋ جۇرگىزۋگە مۇمكىندىك كەڭەيەدى.
شىمكەنت قالاسى جيتس-ءتىڭ الدىن الۋ, وعان قارسى كۇرەس جونىندەگى ورتالىعىنىڭ باس دارىگەرى ب.سىربەكتىڭ ايتۋىنشا, بۇگىندە شىمكەنت قالاسىنىڭ جيتس ورتالىعىندا 1853 ناۋقاس ديسپانسەرلىك ەسەپتە تۇر. ناۋقاس جاعدايىنىڭ اۋىرلىعى, قوسالقى اۋرۋلاردىڭ بولۋى, انتيرەتروۆيرۋستىق تەراپيانى قولدانۋى ەسكەرىلە وتىرىپ, زەرتحانالىق باقىلاۋلار جۇرگىزىلەدى. جاڭا اناليزاتوردىڭ كومەگىمەن الىنعان زەرتتەۋ ناتيجەلەرى دارىگەرگە پاتسيەنتتىڭ يممۋندىق جاعدايى تۋرالى تولىق كلينيكالىق اقپارات الۋعا, قاجەت بولعان جاعدايدا, ەمدەۋ شارالارىنا ۋاقتىلى وزگەرىستەر ەنگىزۋگە مۇمكىندىك بەرەدى. بۇدان وزگە, زەرتحانا جۇمىسىندا جاڭا زاماناۋي زەرتتەۋ ادىستەرىن ەنگىزۋ كلينيكالىق دياگنوستيكانى جاقسارتۋعا, ەمدەۋ تيىمدىلىگىن ارتتىرۋعا سەپتىگىن تيگىزەدى.
سونىمەن بىرگە DxFLEX تسيتومەترىن تەك ايتۆ-مەن اۋىراتىن ناۋقاستاردا عانا ەمەس, باسقا يممۋن تاپشىلىعى جاعدايلارى, اۋتويممۋندى, اللەرگيالىق پاتولوگيالار, ونكولوگيالىق اۋرۋلار دياگنوستيكاسىندا قولدانۋعا بولاتىنىن ايتا كەتكەن ابزال.
