ستەنفورد ۋنيۆەرسيتەتىنىڭ پروفەسسورى يليا سترەبۋلاەۆ جانە تەحنولوگيالار مەن تسيفرلىق ستراتەگيا بويىنشا كەڭەسشى الەكس دانگتىڭ بىرلەسىپ جازعان «ۆەنچۋرلىك ويلاۋ جۇيەسى» اتتى بەستسەللەرى قازاق تىلىنە اۋدارىلدى.
كىتاپتى قازاق تىلىنە اۋدارۋ يدەياسىن BYB capital باسقارۋشى سەرىكتەسى اسقار بىلىسبەكوۆ ۇسىندى.
ء«بىز قازاقتىلدى اۋديتوريانىڭ ۆەنچۋرلىك سالاعا قىزىعۋشىلىق تانىتىپ جۇمىس ىستەگىسى كەلەتىنىن كورىپ وتىرمىز, بىراق قازاق تىلىندە مۇنداي اقپارات جەتىسپەۋشىلىگىنەن ول مۇمكىن بولماي وتىر. ءبىزدىڭ باستامامىز تەك ستارتاپشىلار مەن كاسىپكەرلەرگە عانا ەمەس, جالپى كوپشىلىككە دە مۇمكىندىك بەرەدى», دەدى بىلىسبەكوۆ.
كىتاپتا ينۆەستورلار مەن كاسىپكەرلەرگە بيزنەستى تابىستى ترانسفورماتسيالاۋ جولىندا دۇرىس شەشىم قابىلداۋعا كومەكتەسەتىن 9 قاعيدا كورسەتىلگەن. اۆتورلار Amazon جانە McKinsey سەكىلدى كومپانيالارداعى ۆەنچۋرلىق كاپيتاليستەردىڭ ويلاۋ جۇيەسى مەن مەحانيزمدەرى تابىستى بيزنەس قۇرۋعا قالاي ىقپال ەتەتىنىن كوپ جىلدار بويى زەرتتەگەن.
«ۆەنچۋرلىك ويلاۋ جۇيەسى: سانالى تۇردە ءباس تىگۋ ارقىلى وراسان زور تابىسقا قالاي جەتۋگە بولادى» كىتابى BYB capital مەن ء«سابي» قورىنىڭ نەگىزىن قالاۋشىلارى كەنەس راقىشەۆ, اسەل تاسماعامبەتوۆا جانە باسقارۋشى سەرىكتەس اسقار بىلىسبەكوۆتىڭ قاتىسۋىمەن ءوتتى. كىتاپ سولاردىڭ قولداۋىمەن جارىق كوردى. ءىس-شاراعا, سونىمەن قاتار, تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى جاسلان ماديەۆ تە قاتىستى.
جاسلان ماديەۆ ۆەنچۋرلىك ينۆەستيتسيالار نارىعىن دامىتۋ ماقساتىندا ارنايى كەڭەس قۇرۋدى ۇسىندى. ونىڭ اياسىندا جىل سايىن ۆەنچۋرلىك ينۆەستورلار, مەملەكەت وكىلدەرى, قارجى سەكتورى, ستارتاپتار مەن قورلاردىڭ قاتىسۋىمەن ارنايى جينالىس وتەدى. مينيستر بۇل ءىس-شارا الماتىدا وتەتىن ورتالىق ازيا ۆەنچۋرلىك فورۋمىنىڭ الدىنداعى ماڭىزدى جيىنعا اينالاتىندىعىنا سەنىم ءبىلدىردى. وعان قوسا, 15 ايماقتىق حابتى پايدالانۋ ارقىلى قازاق تىلىندەگى تەحنيكالىق ادەبيەتتى ناسيحاتتاۋعا بولاتىندىعىن جەتكىزدى.
«ۆەنچۋرلىق نارىققا ءبىز ۇلكەن ءمان بەرىپ وتىرمىز, سوندىقتان مينيسترلىك رەتىندە وسى ەكوجۇيەنىڭ دامۋىنا جاقسى جاعداي جاساۋعا تىرىسىپ جاتىرمىز. ءبىز ءالى دە كوپتەگەن جۇمىستى رەتتەۋ, ىنتالاندىرۋ جانە جاڭا ينستيتۋتسيونالدىق ينۆەستورلاردى تارتۋ ارقىلى اتقارۋىمىز قاجەت. بۇل ماڭىزدى باستامالار وسى سالانى ىلگەرىلەتۋگە باعىتتالادى», دەدى مينيستر.
سونداي-اق جاسلان ماديەۆ پرەزەنتاتسيا بارىسىندا ءۇش ۇسىنىس ايتتى. بىرىنشىدەن, ول Digital Nomads قاۋىمداستىعىن قازاق تىلىندە تەحنيكالىق ادەبيەتتى دامىتۋعا بەلسەنە قاتىسۋعا شاقىردى. ءمينيستردىڭ ايتۋىنشا, شەتەلدىك تەحنولوگيالىق كومپانيالاردا جۇمىس ىستەيتىن وتاندىق ماماندار تەحنيكالىق تەرميندەردى دۇرىس اۋدارىپ, ولاردى قازاق تىلىنە بەيىمدەۋدە ايتارلىقتاي ۇلەس قوسا الادى.
ەكىنشى ۇسىنىسى – ۆەنچۋرلىق ينۆەستيتسيالاردى دامىتۋ بويىنشا كەڭەس قۇرۋ. بۇل كەڭەس ۆەنچۋرلىق ينۆەستورلار, مەملەكەت وكىلدەرى, قارجى سەكتورى, ستارتاپتار مەن قورلار, سونداي-اق ءوڭىر ەلدەرىنىڭ وكىلدەرىنىڭ قاتىسۋىمەن جىل سايىن جينالىستار وتكىزۋى كەرەك. مينيستر بۇل ءىس-شارانىڭ الماتىدا وتەتىن ورتالىق ازيا ۆەنچۋرلىق فورۋمىنىڭ الدىندا ءداستۇرلى ءىس-شاراعا اينالاتىنىن ايتتى.
ءۇشىنشى ۇسىنىس - Astana Hub ينفراقۇرىلىمىن تەحنيكالىق ادەبيەتتى تانىمال ەتۋ ءۇشىن پايدالانۋ.
«بىزدە وڭىرلەردە 15 حاب بار, ولاردى بۇل ماتەريالداردى ۋنيۆەرسيتەتتەر ارقىلى تاراتۋ ءۇشىن قولدانۋعا بولادى», دەدى مينيستر.
سونداي-اق Mazmundama جوباسىنىڭ اۆتورى شىڭعىس مۇقاننىڭ ايتۋىنشا, بۇل كىتاپ العاشقى بولىپ قازاق جانە كورەي تىلدەرىنە عانا اۋدارىلدى.
كىتاپ Mazmundama باسپاسىنان تارالىمى 2000 دانامەن شىقتى. بەستسەللەر ماركەتپلەيستەردە ساتىلىمعا شىقتى.
