سۋرەتتى تۇسىرگەن – ەرلان ومار, «EQ»
داۋىس بەرۋگە كەلگەن ەل اعالارىنىڭ ءبىرى, جازۋشى-جۋرناليست سايلاۋ كوشكەندى وسى جەردە جولىقتىردىق.
– اتوم ەلەكتر ستانساسىن سالۋ تۋرالى اڭگىمە قوزعالعاننان بەرى بۇقارالىق اقپارات قۇرالدارىن ۇزبەي وقىپ كەلەمىن. اسىرەسە «Egemen Qazaqstan» بەتىندە بىلىكتى ماماندار ساليقالى پىكىر ايتىپ, بولاشاق ستانسانىڭ قانشالىقتى قاجەت ەكەنىن, بۇل ساۋالدىڭ ءمانى مەن مازمۇنىن جان-جاقتى تالقىلاپ جازدى. تاقىرىپتى تەرەڭنەن تولعاپ سارالاعان مامانداردىڭ ايتۋىنا قاراعاندا, بۇل – ەلىمىزدىڭ ەرتەڭىنە مەيلىنشە زور ىقپال ەتەتىن شارۋا. ەلەكتر قۋاتىنسىز قوعامنىڭ بولاشاعىن كوز الدىڭا ەلەستەتە المايسىڭ. ءوزىمنىڭ ازاماتتىق مىندەتىمدى وتەيىن دەپ تاڭعى ساعات التى جارىمنان داۋىس بەرۋ ۋچاسكەسىنە كەلدىم. ۋچاسكە جۇمىسى باستالعانشا ازداپ كۇتۋگە تۋرا كەلدى, – دەيدى س.كوشكەن.
ۋچاسكەگە 2 741 ادام تىركەلگەن. ساعات 10-دا 150-گە جۋىق ادام داۋىس بەرىپ ۇلگەردى. سالدەن كەيىن ادامدار لەگى كوبەيدى, كىشىگىرىم كەزەك تە پايدا بولدى. وسى ءبىر كورىنىسكە قاراپ جەرلەستەرىمىزدىڭ ەل ەرتەڭىنە بەيجاي قارامايتىنىن اڭعارۋعا بولادى.
– داۋىس بەرۋشىلەر اراسىندا اعا بۋىن وكىلدەرى دە, جاستار دا بار. ەگدە ادامدار تاڭسارىدەن كەلىپ داۋىس بەردى. ولاردىڭ اراسىندا جاسى 80-نەن اسقان بىرنەشە قارت تا بار. ەڭ ءبىرىنشى كەلگەن ادامدارعا سىي-سياپاتىمىزدى جاسادىق. اعا بۋىن ەل بولاشاعى ءۇشىن اتقاراتىن شارۋانى جاقسى تۇسىنەدى. ال 18-گە جاڭا تولىپ جاتقان جاستاردىڭ ەل ەرتەڭىنە دەگەن الاڭداۋشىلىعىن, بويىنداعى جاۋاپكەرشىلىگىن كورگەن كەزدە ريزاشىلىق سەزىمگە بولەنەدى ەكەنسىڭ, – دەيدى ۋچاسكەلىك كوميسسيانىڭ ءتورايىمى قارلىعاش ءتىناحينا.
ۋچاسكەنىڭ الدىنا ازاماتتىق مىندەتىن وتەۋگە كەلگەن ادامدارمەن دە تىلدەستىك. مامانداندىرىلعان كۇزەت قىزمەتىنىڭ وكىلى ەربولات قۇسمەتوۆ ەرتەڭگى ۇپاقتىڭ الدىندا جاۋاپتى ەكەنىن جەتكىزدى.
اقمولا وبلىستىق رەفەرەندۋم كوميسسياسىنىڭ توراعاسى ماناربەك ءسادۋوۆتىڭ ايتۋىنا قاراعاندا, وڭىردە 513 254 داۋىس بەرۋشى بار. ساعات 10-عا دەيىن ولاردىڭ 17,18 پايىزى داۋىس بەرىپ ۇلگەرگەن.
اقمولا وبلىسى
