سۋرەت: ru.freepik.com
- 12–13 قازاندا اقتاۋدا دزيۋدودان ەرلەر مەن ايەلدەر اراسىنداعى ازيانىڭ اشىق كۋبوگى وتەدى. ماڭعىستاۋ وبلىسىندا كۇرەستىڭ وسى ءتۇرىنىڭ دامۋىنا ۇلكەن ۇلەس قوسقان تۇرار جولدىباەۆتى ەسكە الۋعا ارنالعان جارىستا موڭعوليا, گونكونگ, ءۇندىستان, يران, ازەربايجان, قىرعىزستان, تاجىكستان, وزبەكستان, قازاقستاننان 200-گە جۋىق سپورتشى باق سىنايدى.
- قازاقستان ۇلتتىق وليمپيادا كوميتەتىنىڭ (ۇوك) پرەزيدەنتى گەننادي گولوۆكين پاراگۆايدىڭ اسۋنسون قالاسىندا وتكەن Panam Sports باس اسسامبلەياسىنا قاتىستى. ءىس-شارا بارىسىندا ول حالىقارالىق وليمپيادا كوميتەتىنىڭ (حوك) پرەزيدەنتى توماس باحپەن كەزدەستى. گولوۆكين باحتى ءوزى باسقارىپ وتىرعان World Boxing وليمپيادا كوميسسياسى جۇمىسىنىڭ بارىسىمەن تانىستىرىپ, الداعى جوسپارلارى تۋرالى ايتتى.
- 6–9 قاراشا ارالىعىندا شايبالى حوككەيدەن الماتىدا جالاۋى جەلبىرەيتىن ازيا چەمپيوناتىنىڭ كەستەسى جاريالاندى. اينالمالى جۇيەدەن وتەتىن جارىستا مىنا كوماندالار ءوزارا شەبەرلىك بايقاسادى: 6 قاراشا – جاپونيا مەن قىتاي (16:00). 6 قاراشا – قازاقستان مەن وڭتۇستىك كورەيا (19:30). 8 قاراشا – جاپونيا مەن وڭتۇستىك كورەيا (16:00). 8 قاراشا – قازاقستان مەن قىتاي (16:00). 9 قاراشا – قىتاي مەن وڭتۇستىك كورەيا (16:00) جانە 9 قاراشا – قازاقستان مەن جاپونيا (19:30).
- ۋەفا فۋتزالدان ۇلتتىق كوماندالاردىڭ رەيتينگىن جاريالادى. الەم چەمپيوناتىنىڭ شيرەك فينالىندا ارگەنتينادان ويسىراي ۇتىلعانىنا قاراماستان, ەل قۇراماسى (2699,121) ەكىنشى ورىندا تۇر. كوش باسىندا – پورتۋگاليا (2940,953). ۇزدىك ۇشتىكتى يسپانيا (2634,351) تۇيىندەپ تۇر. سونداي-اق توپ-10-دىققا رەسەي (2547,159), ۋكراينا (2269,716), فرانتسيا (2205,201), حورۆاتيا (2007,949), فينليانديا (1970,212), نيدەرلاند (1955, 848), پولشا (1924,072) قۇرامالارى ەندى.
- يتاليالىق نيكول فوسسامەن جۇپتاسىپ ونەر كورسەتكەن قازاق تەننيسشىسى جىبەك قۇلامباەۆا برازيليانىڭ سان-پاۋلۋ قالاسىندا وتكەن ITF W75 تۋرنيرىندە توپ جاردى. جۇلدە قورى 75 000 دوللار قۇراعان جارىستىڭ جارتىلاي فينالىندا ولار برازيليا مەن بوليۆيانىڭ دۋەتى تايسا پەدرەتتي/نەولي سەبالوسقا سان سوقتىرسا, اقتىق سىندا ەلەني حريستوفي (گرەكيا)/اۆرورا زانتەدەشيدەن (يتاليا) 3:6, 6:2, 10:4 ەسەبىمەن باسىم ءتۇستى.
