«ەلىمىزدە اتوم ەلەكتر ستانساسى قۇرىلىسىنا قاتىستى رەفەرەندۋم وتە بەلسەندى ءوتىپ جاتىر. تاۋەلسىز ەلىمىزدىڭ ازاماتى رەتىندە, مەن دە ءوز تاڭداۋىمدى جاساپ, داۋىس بەردىم. بۇل – ەل تاريحىنداعى ۇلكەن وزگەرىستىڭ العاشقى قادامى. الەمنىڭ الدىڭعى قاتارلى ەلدەرىمەن تەڭ بولىپ, ىشكى-سىرتقى ەكونوميكامىزدىڭ, ءبىلىم مەن عىلىمنىڭ دامۋى جولىندا ەلىمىزدىڭ بولاشاعى ءۇشىن جاسالعان ناقتى قادام دەپ بىلەمىن», دەيدى ەردەن بالتاباي ۇلى.
اتالعان ۋچاسكەگە تيىستىلەردىڭ جاسى ۇلكەنى دە, كىشىسى دە قالىس قالماي, جارقىن بولاشاقتارى ءۇشىن ۋاقىتىن قيىپ, تاڭداۋلارىن جاسادى. وسىلايشا, ماڭىزدى مىندەتكە جۇيەلى جاۋاپكەرشىلىك تانىتتى.
كەشكى ساعات 20:00-دە ساياسي ناۋقاننىڭ ەڭ ماڭىزدى كەزەڭى – داۋىستاردى ساناۋ باستالادى. ناتيجەسى جەتى كۇن ىشىندە جاريالانادى دەپ وتىر.
