104 جاستاعى قاريا شىڭعىرلاۋ اۋىلىندا تۇرادى.
عاسىردان اسقان نۇرسۇلۋ اجەيدىڭ وتىنىشىنە سايكەس №424 رەفەرەندۋم ۋچاسكەسىنىڭ مۇشەلەرى جىلجىمالى جاشىكتى ونىڭ ۇيىنە الىپ باردى. نۇرسۇلۋ اجەي بالالارىن داۋىس بەرۋ ۋچاسكەلەرىنە جىبەرىپ, ءوزى نەمەرە-شوبەرەلەرىن باعىپ قالىپتى.
قاريا ەكىنشى دۇنيەجۇزىلىك سوعىسى كەزىندە فزۋ-دا وقىپ, ستالينگراد زاۆودىندا جۇمىس ىستەگەن. كەيىننەن شىڭعىرلاۋ اۋدانىنداعى قاراقاي ەلدى مەكەنىندە ۇزاق ۋاقىت بويى تۇيە ساۋشى بولىپ ەڭبەك ەتكەن. ال بۇگىندە 3 نەمەرە, 11 شوبەرە ءسۇيىپ وتىرعان باقىتتى اجە.
كوپتى كورگەن كەيۋانانىڭ ەندىگى ارمانى - ەلدىڭ تىنىشتىعى مەن ۇرپاقتىڭ اماندىعى.
«تالاي سايلاۋلارعا قاتىسىپ ءجۇرمىن. داۋىس بەرۋ - ءاربىر ەلدىڭ تۇرعىنى ءۇشىن ماڭىزدى. ءبىز داۋىس بەرۋ ارقىلى بولاشاعىمىزدى تاڭدايمىز. بۇگىن مەن ءوز تاڭداۋىمدى جاسادىم. ەلىمىزدىڭ بولاشاعى, ۇرپاعىمىزدىڭ بولاشاعى ءۇشىن ەل پرەزيدەنتىنىڭ باستاماسىن قولدايمىن», دەيدى قاريا.
