ول وسى وقۋ ورنىنىڭ مەديتسينا فاكۋلتەتىنىڭ 2-كۋرسىندا وقيدى.
«مەن بۇگىن ەلىمىزدە ءوتىپ جاتقان اسا ماڭىزدى جالپىحالىقتىق ء ىس-شاراعا قاتىسىپ, ءوز تاڭداۋىمدى جاسادىم. بىرگە وقيتىن قۇرداستارىمنىڭ دا تۇڭعىش رەت داۋىس بەرۋگە كەلگەنىن اتاپ وتكىم كەلەدى. ەكى جىل بۇرىن شالقار قالاسىنداعى №3 مەكتەپتى «التىن بەلگىمەن» ءبىتىرىپ, ءوزىم تاڭداعان وقۋ ورنىنا ءتۇستىم. بولاشاقتا حيرۋرگيا سالاسىن تاڭداپ, حالقىمنىڭ العىسىن الاتىن جاقسى مامان بولىپ قالىپتاسقىم كەلەدى. ول ءۇشىن ارينە كوپ ىزدەنىپ, كوپ وقۋ كەرەك», دەيدى بولاشاق دارىگەر.
№56 ۋچاسكەلىك رەفەرەندۋم كوميسسياسىنىڭ توراعاسى ءاليما مۇحامبەتعاليەۆانىڭ ايتۋىنشا, وسى اۋماقتا 2200 داۋىس بەرۋشى تىركەلگەن.
تاڭعى ۋاقىتتا كەلۋشىلەر قاراسى كوبەيدى. كوميسسيانىڭ جەتى مۇشەسى تۇرعىنداردى قۇجات بويىنشا تەكسەرىپ, بيۋللەتەندەرىن بەرىپ وتىر. وسى ۋچاسكەدە رەفەرەندۋمنىڭ ءوتۋ بارىسىن سەگىز باقىلاۋشى قاداعالايدى.
بۇگىن اقتوبە قالاسىنداعى №175 رەفەرەندۋم ۋچاسكەسىندە 343 مىڭ تۇرعىن داۋىس بەرەدى دەپ جوسپارلانعان. وسى كەزگە دەيىن وڭىردە زاڭ بۇزۋشىلىقتار ترىكەلگەن جوق.
