فوتو: ەرلان ومار/Egemen Qazaqstan
سىرتقى ىستەر ءمينيسترىنىڭ ورىنباسارى رومان ۆاسيلەنكو 59 مەملەكەتتە داۋىس بەرۋشىلەردىڭ جالپى سانى 12 307 ادامنان تۇراتىن 74 ۋچاسكەلىك رەفەرەندۋم كوميسسياسى قۇرىلعانىن حابارلادى. بۇگىنگى كۇنى تاڭعى ساعات 8:15-تەگى جاعداي بويىنشا شەتەلدە 26 ۋچاسكەلىك رەفەرەندۋم كوميسسياسى جۇمىس ىستەي باستادى. تاعى 48 ۋچاسكە اشىلادى دەپ جوسپارلانىپ وتىر.
«جاقىن ارادا ورتا شىعىس جانە ەۋروپادا ورنالاسقان ۋچاسكەلەر ءوز جۇمىسىن باستايدى. جالپى شەتەلدەگى ازاماتتارىمىزدىڭ داۋىس بەرۋ ءۇردىسى بەلسەندى بولىپ جاتقانىن بايقاۋعا بولادى», دەپ اتاپ ءوتتى سىرتقى ىستەر ءمينيسترىنىڭ ورىنباسارى رومان ۆاسيلەنكو.
ۋاقىت ايىرماشىلىعىنا بايلانىستى استانا ۋاقىتى بويىنشا ساعات 16:00-دە ۆاشينگتون, نيۋ-يورك, وكتاۆا قالالارىنداعى جانە استانا ۋاقىتى بويىنشا ساعات 20:00-دە سان-فرانتسيسكو قالاسىنداعى رەفەرەندۋم ۋچاسكەلەرى جۇمىسىن باستايدى.
