«ولار بيۋدجەتكە سالىق تۇرىندە 552 ملرد تەڭگە تولەدى. «دامۋ» قورى شاعىن جانە ورتا بيزنەستى قولداۋ ءۇشىن بىرقاتار باعدارلامانى, ونىڭ ىشىندە وبلىس اكىمدىگىمەن بىرلەسىپ, «كاسىپكەر» اۋماقتىق باعدارلاماسىن بەلسەندى ىسكە اسىرىپ جاتىر», دەيدى قوردىڭ ايماقتاعى فيليالىنىڭ ديرەكتورى اسەت تىلەمىسوۆ.
جەكە كاسىپكەر نيكيتا دوروش بىرنەشە جىل بۇرىن «Neyshes Boots» برەندىمەن اياقكيىم شىعاراتىن كاسىپورىن اشقان. «دامۋدان» العان قاراجات جاس بيزنەسمەنگە ءتيىمدى نەسيە راسىمدەپ, ءوندىرىسىن كەڭەيتۋگە ەكپىن بەردى.
ء«بىز ناعىز بىلعارىدان اياقكيىم تىگىپ, ونى ساتۋمەن اينالىسامىز. ەڭ العاش مۇنداي اياقكيىمدى الماتىدان تاۋىپ, ساتىپ الدىم. سونى تۇتىنىپ ءجۇردىم. كەيىن نەگە وڭىرىمىزدەن وسىنداي كاسىپ اشپاسقا دەپ ويلاندىم دا, تاۋەكەل ەتتىم. شەبەرلەر تاپتىم. شارۋامىز جامان ەمەس. تازا بىلعارىدان تىگەمىز. «دامۋ» قورىنىڭ كومەگى كاسىبىمە جاڭا تىنىس اكەلدى. ولاردىڭ مۇنداي مۇمكىندىگىن ءۇش جىلدا ءۇش مارتە يگىلىگىمە جاراتتىم. قاجەتتى جابدىقتار الدىق. ماتەريال قورىن بايىتتىق», دەيدى «Dorosh» كومپانياسىنىڭ باسشىسى نيكيتا دوروش.
كابەل وتكىزەتىن ارنايى قوراپ وندىرۋگە ماماندانىپ العان «Profland-RT» جشس كومپانياسى 2007 جىلدان بەرى جۇمىس ىستەيدى. جىل سايىن 5 مىڭ توننا ءونىمىن نارىققا شىعارادى. 2022 جىلى «بيزنەستىڭ جول كارتاسى – 2025» باعدارلاماسى نەگىزىندە كاسىپورىن جابدىقتارىن ساتىپ الۋ جانە وندىرىستىك بازانى جوندەۋگە 6 پايىزبەن, «دامۋ» قورىنىڭ كەپىلدىگىمەن ەكىنشى دەڭگەيدەگى بانك ارقىلى 149 ملن تەڭگەگە ەكى كرەديتتىك ترانش الادى. ەكى جىلدان كەيىن بىرىڭعاي كەشەندى باعدارلامانىڭ ارقاسىندا كومپانيا بانك ارقىلى اينالىم قاراجاتىن تولىقتىرۋ ماقساتىندا قارجىلاندىرىلدى. پايىزدىق مولشەرلەمە 8 پايىزعا دەيىن تومەندەتىلىپ, «دامۋ» قورىنان كەپىلدىك الدى.
«كومپانيامىزعا 18 جىل تولدى. كۇن ەلەكتر ستانسالارىنىڭ قۇرىلىسىنا, كابەلدىك ناۋالارعا, قوسالقى قۇرىلىمدارعا ارنالعان مەتالل پروفيل وندىرۋمەن اينالىسامىز. ءونىم اسسورتيمەنتى ۇلكەن. وندىرىستە شامامەن 70 ادام جۇمىس ىستەيدى. اينالىم قاراجاتىن جانە ينۆەستيتسيالىق جوبالارىمىزدى نەسيەلەۋ ءۇشىن «دامۋعا» جۇگىنىپ, سونىڭ ارقاسىندا ءونىم قۋاتىن ارتتىردىق», دەيدى «Profland-RT» جشس ديرەكتورى ارتەم سلەسارەنكو.
توپارداعى «AAA LLP» جشس جىلىجايى زاماناۋي اگروتەحنيكالىق ادىستەر مەن تەحنولوگيالاردى قولدانا وتىرىپ نەگىزىنەن قيار مەن قىزاناق وسىرەدى. بيىل توپار جىلىجايى بانك ارقىلى اينالىم قاراجاتىن جىلدىق 10 پايىزبەن تولىقتىرايىن دەپ ەكى ترانش الادى. وعان «دامۋ» قورى 84 پايىز كولەمىندە كەپىلدىك بەرەدى.
«دامۋ» قورىنىڭ, باسقا دا مەملەكەتتىك باعدارلامالاردىڭ قولداۋىمەن كەڭەيۋدى جوسپارلاپ وتىرمىز. 16 كوكونىس ءتۇرىن وسىرەمىز. قياردان باستاپ اسكوككە دەيىن. بۇگىندە جىلىجايىمىزدا 300-گە جۋىق ادام جۇمىس ىستەيدى. 6 000 توننادان استام ءونىمدى نارىققا شىعارامىز», دەيدى «AAA LLP» جشس ديرەكتورى ابدۋراۋف ابدۋماۆلونوۆ.
قاراعاندى وبلىسى
