فوتو Gov.kz
چەمپيونات بارلىق جاس توپتارى – U15, U17, U20, ەرەسەكتەر مەن ارداگەرلەر اراسىندا Grappling جانە Grappling Gi بويىنشا وتەدى.
«گرەپپلينگ قازىر بۇقارالىق سپورتقا اينالدى. ول الەمدەگى ەڭ كونە بەدەلدى سپورت ۇيىمدارىنىڭ ءبىرى بولىپ سانالاتىن جانە حالىقارالىق وليمپيادا كوميتەتى مويىنداعان United World Wrestling حالىقارالىق كۇرەس فەدەراتسياسىنىڭ قولداۋىمەن دامىپ كەلەدى», دەدى ەلىمىزدەگى گرەپپلينگ قاۋىمداستىعىنىڭ پرەزيدەنتى, ۇلتتىق قۇراماسىنىڭ باس جاتتىقتىرۋشىسى قانات الين.
ايتا كەتەيىك, ەلوردا الەم چەمپيوناتىن ءۇشىنشى رەت وتكىزگەلى وتىر. 2018 جىلى گرەپپلينگتەن الەم چەمپيوناتى العاش رەت استانادا ءوتتى. 2019 جىلى ول وليمپيادالىق سپورت تۇرلەرى بويىنشا الەم چەمپيوناتىنىڭ باعدارلاماسىنا كىردى – گرەك-ريم, ەركىن ايەلدەر كۇرەسى. سونداي-اق, قازاقستان استاناسى 2017 جانە 2023 جىلدارى ازيا چەمپيوناتىن ەكى رەت وتكىزدى.
جارىس 7-12 قازان ارالىعىندا ج. ۇشكەمپىروۆ اتىنداعى جەكپە-جەك سارايىندا وتەدى. كورەرمەندەر ءۇشىن كىرۋ تەگىن.
