ال مەديتسينالىق تەحنولوگيالاردىڭ دامۋى مەن دەنساۋلىق ساقتاۋدىڭ جاھاندانۋى جاعدايىندا تاجىريبە مەن ءبىلىم الماسۋ بۇرىنعىدان دا وزەكتى بولا تۇسكەنى بايقالادى. وسى ورايدا, الماتىدا ءوتىپ جاتقان ىشكى مەديتسينا ماماندارىنىڭ ءبىرىنشى ۇلتتىق كونگرەسى وتاندىق دەنساۋلىق ساقتاۋ جۇيەسىنە ۇزدىك حالىقارالىق تاجىريبەلەردى ەنگىزىپ, ىشكى مەديتسينا ماماندارىنا جۇمىس بارىسىندا كەزدەسەتىن اۋرۋلاردى دياگنوستيكالاۋ مەن ەمدەۋ ساپاسىن جاقسارتا تۇسۋگە سەپتەسەتىنى.
سونىمەن قازاقستان, قىرعىزستان, رەسەي, وزبەكستان, ءازىربايجان, گرۋزيا, گەرمانيا, تۇركيا, شۆەتسيا مەن ۋكراينا ىشكى مەديتسيناسىنىڭ ءار باعىتتاعى جەتەكشى ماماندارىن ءبىر الاڭعا جيناعان اۋقىمدى ءىس-شارا ەلىمىزدە العاش رەت ءوتىپ وتىر.
قر دەنساۋلىق ساقتاۋ مينيسترلىگى, كارديولوگيا جانە ىشكى اۋرۋلار عزي, قازاق ىشكى مەديتسينا ماماندارىنىڭ قاۋىمداستىعى مەن قازاق ىشەك اۋرۋلارىن زەرتتەۋ جونىندەگى عىلىمي قوعامى ۇيىمداستىرعان كونگرەسكە ەلىمىزدىڭ بارلىق وڭىرلەرىنەن 3350-دەي دارىگەر قاتىسىپ وتىرسا, ونىڭ 350 – وففلاين, 3 مىڭنان استامى – ونلاين وتىر.
كونگرەسس ىشكى مەديتسينانىڭ نەگىزگى باعىتتارى بويىنشا زاماناۋي تەوريالىق جانە پراكتيكالىق تاجىريبەنى بىرىكتىرۋدى كوزدەيدى. كەشەلى بەرى قاتىسۋشىلار دياگنوستيكا مەن ەمدەۋدىڭ الەمدىك ترەندتەرىن, ىنتىماقتاستىق ماسەلەلەرىن تالقىلاپ وتىر. كونگرەسس ەلىمىزدەگى مەديتسينالىق كومەكتىڭ ساپاسىن جاقسارتۋعا مۇمكىندىك بەرەتىن ءبىلىم مەن ۇزدىك كلينيكالىق تاجىريبەلەردى شوعىرلاندىرۋ الاڭىنا اينالدىرۋعا باعىتتالعان.
«كارديولوگيا جانە ىشكى اۋرۋلار ينستيتۋتى ءوز الاڭىندا ىشكى مەديتسينا ماماندارىن جيناۋعا قول جەتكىزۋى تاريحي وقيعا. ءبىزدىڭ ينستيتۋت بايىرعىدان قالىپتاسقان داستۇرلەردى جالعاستىرۋشى بولعاندىقتان, مۇنداي فورۋمدار اسا ماڭىزدى, ءبىزدى دەنساۋلىق ساقتاۋ جۇيەسىن جەتىلدىرۋگە, پاتسيەنتتەرىمىزدىڭ دەنساۋلىعىن نىعايتا تۇسۋگە جەتەلەيدى.
ءبىزدىڭ ينستيتۋت تەراپيالىق بەيىندەگى پاتسيەنتتەرگە مامانداندىرىلعان كومەكتى دامىتىپ كەلەدى. كوپتەگەن سوزىلمالى ينفەكتسيالىق ەمەس اۋرۋلاردى ەمدەۋدە ەرتە دياگنوستيكالاۋ مەن تەراپيانىڭ ءتۇرلى جاڭا تەحنولوگيالارىن ۇزدىكسىز ەنگىزۋدەمىز. ينستيتۋتتا ورفاندىق جانە ەندوكريندىك پاتولوگيا, ديابەتتىك تابان بويىنشا مامانداندىرىلعان ورتالىقتار, سونداي-اق ىشەكتىڭ قابىنۋ اۋرۋلارى بار ناۋقاستارعا ارنالعان ورتالىق جانە نۋتريتيۆتىك قولداۋ كابينەتى جۇمىس ىستەي باستادى. بۇل ءتاسىل تەراپيانىڭ تيىمدىلىگىن ارتتىرادى جانە ىشكى اعزالاردىڭ ءتۇرلى اۋرۋلارىن ەمدەۋ ناتيجەلەرىن جاقسارتادى», دەيدى كارديولوگيا جانە ىشكى اۋرۋلار ينستيتۋتىنىڭ باسقارما توراعاسى مارات پاشيموۆ.
