ساۋدا جانە ينتەگراتسيا مينيسترلىگىنىڭ حابارلاۋىنشا, مەملەكەتتىك قولداۋ شارالارى 2 ءتاسىل ارقىلى كورسەتىلەدى. ءبىرىنشىcى – نەسيە مولشەرلەمەسىن سۋبسيديالاۋ, ەكىنشىسى – نەسيەگە كەپىل بولۋ. قولداۋ ساۋدا بازارلارىن جاڭعىرتۋ, ساۋدا نىسانىن سالۋ, كەڭەيتۋ, رەكونسترۋكتسيالاۋ, ءۇي جانىنان دۇكەن سالۋ ءارى وسى سالالاردا IT-باعدارلامالاردى جاساۋ باعىتىنا كورسەتىلەدى.
باعدارلاماعا 3 مەگاپوليستەگى ساۋدا سۋبەكتىلەرى مەن ويىن-ساۋىق ورتالىقتارى قاتىسا المايدى.
ساۋدا كوميتەتىنىڭ توراعاسى ايدار ابىلدابەكوۆتىڭ ايتۋىنشا, قولداۋ العان ىشكى ساۋدا سۋبەكتىسى ساۋدا سورەسىنىڭ 20 پايىزىن وتاندىق ازىق-ت ۇلىك وندىرۋشىلەردىڭ ۇلەسىنە بەرۋى كەرەك. ىشكى ساۋدا ەرەجەسىندە كورسەتىلگەن «ساۋدا سورەسىنىڭ 30 پايىزى وتاندىق ازىق-ت ۇلىك ونىمدەرىن وندىرۋشىلەردىڭ ۇلەسىنە بەرىلۋى كەرەك» دەگەن مىندەتتەمەنى قوساتىن بولسا, بۇل كولەم 50 پايىزعا جەتەدى. سونداي-اق قولداۋ العان ىشكى ساۋدا سۋبەكتىسى ساۋدا سورەسىنىڭ تاعى 20 پايىزىن شەتەلدىك ازىق-ت ۇلىك وندىرۋشىلەرىنىڭ ۇلەسىنە بەرۋى قاجەت.
باعدارلاما شارتىنا سايكەس ساۋدا نىساندارىنا قاتىستى جوبالارىن وبلىس ورتالىقتارىندا جۇزەگە اسىراتىن جەكە كاسىپكەرگە بەرىلەتىن ماكسيمالدى سوما – 3 ملرد تەڭگە. جوبانى مونوقالادا نەمەسە اۋىلدىق ەلدى مەكەندەردە جۇزەگە اسىرۋشىلارعا بەرىلەتىن ماكسيمالدى سوما – 1,5 ملرد تەڭگە. ينۆەستيتسيالىق ماقساتقا ارنالعان جوبالاردى سۋبسيديالاۋ مەرزىمى – 5 جىلعا دەيىن, اينالىم قاراجاتىن تولىقتىرۋ ماقساتىندا سۋبسيديالاۋ مەرزىمى 3 جىلعا دەيىنگى مەرزىمدى قۇرايدى.
