سۋرەت: مادەنيەت جانە اقپارات مينيسترلىگى
ا.بالاەۆا ەكى ەلدى ورتاق داستۇرلەر مەن قۇندىلىقتارعا نەگىزدەلگەن بەرىك باۋىرلاستىق بايلانىستىراتىنىن اتاپ ءوتتى. مينيستر مەملەكەتتەر اراسىنداعى ىنتىماقتاستىق اياسىندا ورتاق رۋحاني جانە مادەني قۇندىلىقتاردى ىلگەرىلەتۋگە عانا ەمەس, سونىمەن قاتار بۇل قۇندىلىقتاردى قالىپتاستىرۋعا باعىتتالعان جۇمىستار جۇرگىزىلىپ جاتقانىن اتاپ ءوتتى. ويتكەنى كەز كەلگەن ءدىن اينالاداعى ادامدارعا دەگەن مەيىرىمدىلىكتى, قايىرىمدىلىقتى, سىيلاستىقتى, سۇيىسپەنشىلىكتى ناسيحاتتايدى.
«قازىرگى الەمدە ءدىني ماسەلەلەردى ءتۇسىندىرۋ, اسىرەسە, وسى باعىتتا جاستارمەن جۇمىس ىستەۋگە ەرەكشە نازار اۋدارۋ ماڭىزدى. الەۋمەتتىك مەديادا دەسترۋكتيۆتى اقپارات كوبەيگەن جاعدايدا جاقسىنى جاماننان اجىراتا ءبىلۋ قاجەت. سەنىمدى جانە ساپالى اقپاراتتى قامتاماسىز ەتۋ ءۇشىن بىرلەسكەن كۇش-جىگەرىمىزدى جۇمساۋىمىز كەرەك», دەدى ا.بالاەۆا.
ءا.ەرباش مۇنداي كەزدەسۋلەر ەكىجاقتى قاتىناستاردىڭ دامۋىنا سەرپىن بەرەتىنىنە سەنىم ءبىلدىردى. ول تۇركيانىڭ ءدىن ىستەرى باسقارماسى قازاقستانمەن بەلسەندى قارىم-قاتىناستا بولىپ, ستۋدەنتتەردى وقىتۋ مەن دامىتۋعا, سونداي-اق ولاردىڭ قوعامعا بەيىمدەلۋىنە كوڭىل ءبولىنىپ جاتقانىن اتاپ ءوتتى.
كەزدەسۋ سوڭىندا تاراپتار رۋحاني-مادەني قۇندىلىقتاردى ناسيحاتتاۋعا باعىتتالعان جەمىستى جۇمىستى جالعاستىرۋعا نيەت ءبىلدىردى.
