فوتو: DALL-E
قازىرگى ۋاقىتتا قالادا ۆاكتسينانىڭ 12 مىڭنان استام دوزاسى بار. جوسپارلى تارتىپپەن ۆاكتسيناتسيالاۋعا قالا بويىنشا بارلىعى 13 مىڭعا جۋىق 11 جاستاعى قىزدار جاتادى. سونداي-اق 12-13 جاس ارالىعىنداعى قىزدارعا تولىقتىرا يممۋنداۋ قاراستىرىلعان.
ۆاكتسيناتسيا مەكتەپتەردىڭ مەديتسينالىق كابينەتتەرىندە اتا-انالاردىڭ نەمەسە زاڭدى وكىلدەردىڭ اقپاراتتاندىرىلعان كەلىسىمىن العاننان كەيىن جۇرگىزىلەدى. اتا-انالاردىڭ قالاۋى بويىنشا ۆاكتسيناتسيا تىركەلگەن جەرى بويىنشا ەمحانالاردا دا جۇرگىزىلۋى مۇمكىن.
«مەن ۆاكتسينا تۋرالى مەدبيكەدەن العان بۋكلەتتەن وقىدىم. سودان كەيىن انامنان سۇرادىم, ول كەلىستى. بۇگىن ۆاكتسينا الدىم, اۋىرعان جوق, قورىقپادىم. قازىر ءوزىمدى جاقسى سەزىنەمىن», دەدى №75 مەكتەپ-گيمنازياسىنىڭ 8-سىنىپ وقۋشىسى ادەل ۋاگيزوۆا.
اپۆ ۆاكتسيناسى ءوزىنىڭ تيىمدىلىگى مەن قاۋىپسىزدىگىن حالىقارالىق دەڭگەيدە دالەلدەدى. بۇگىنگى تاڭدا بۇل ۆاكتسينا الەمنىڭ 135 ەلىندە قولدانىلادى, سونىڭ ارقاسىندا بىرقاتار ەلدە ايەلدەر اراسىندا اپۆ تارالۋى بۇگىنگى كۇنى 90%-عا تومەندەدى.
«11 جاستان باستاپ قىزدارعا اپۆ-عا قارسى ۆاكتسيناتسيالاۋدى باستاۋ – ءبىزدىڭ وسكەلەڭ ۇرپاقتىڭ بولاشاق دەنساۋلىعىن قورعاۋداعى ماڭىزدى قادام. ءبىزدىڭ ماقساتىمىز – بارىنشا قورعانىستى قامتاماسىز ەتۋ جانە حالىق اراسىندا سىرقاتتانۋشىلىقتى ازايتۋ. ءبىز اتا-انالاردى بالالارىن قاۋىپتى اۋرۋلاردان ساقتاۋ ءۇشىن وسى مۇمكىندىكتى پايدالانۋعا شاقىرامىز», دەپ اتاپ ءوتتى ەلوردالىق قوعامدىق دەنساۋلىق ساقتاۋ باسقارماسىنىڭ باسشىسى ءاليا رۇستەموۆا.
