فوتو: تۇركىستان وبلىسى اكىمدىگى. تەلەگرام
وبلىس اكىمدىگىنىڭ ءباسپاسوز قىزمەتىنەن ءمالىم بولعانداي, ازىمبەك پازىلبەك ۇلى 1991 جىلى قىزىلوردا وبلىسى, جاڭاقورعان اۋدانىندا دۇنيەگە كەلگەن. ءال-فارابي اتىنداعى قازاق ۇلتتىق ۋنيۆەرسيتەتى, قورقىت اتا اتىنداعى قىزىلوردا مەملەكەتتىك ۋنيۆەرسيتەتىن, م.نارىكباەۆ اتىنداعى قازاق مەملەكەتتىك زاڭ ۋنيۆەرسيتەتىن جانە «بولاشاق» ۋنيۆەرسيتەتىن تامامداعان. ماماندىقتارى – مەملەكەتتىك جانە جەرگىلىكتى باسقارۋ, ەكونوميكا, قۇرىلىس, قۇقىقتانۋ.
ەڭبەك جولىن 2013 جىلى قىزىلوردا قالالىق ىشكى ساياسات ءبولىمى جەتەكشى مامانىنىڭ مىندەتىن اتقارۋشى بولىپ باستاپ, جەتەكشى مامان, باس مامان قىزمەتتەرىن اتقارعان. 2015 جىلى قىزىلوردا قالاسىنىڭ اكىمى اپپاراتى ۇيىمداستىرۋ-ينسپەكتورلىق ءبولىمىنىڭ باس ينسپەكتورى بولسا, ودان كەيىن ۇلتتىق ەكونوميكا مينيسترلىگىنىڭ قۇرىلىس, تۇرعىن ءۇي-كوممۋنالدىق شارۋاشىلىق ىستەرى جانە جەر رەسۋرستارىن باسقارۋ كوميتەتىنىڭ كوممۋنالدىق شارۋاشىلىق باسقارماسىنىڭ ساراپشىسى, باس ساراپشىسى بولىپ ەڭبەك ەتكەن. 2017 جىلدان باستاپ ينۆەستيتسيالار جانە دامۋ مينيسترلىگىنىڭ قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى كوميتەتى كوممۋنالدىق شارۋاشىلىق باسقارماسىنىڭ باس ساراپشىسى, باسشىسى بولىپ جۇمىس ىستەگەن.
ينۆەستيتسيالار جانە دامۋ مينيسترلىگى مەن يندۋستريا جانە ينفراقۇرىلىمدىق دامۋ مينيسترلىگىنىڭ باسقارمالارىن باسقارعان. يندۋستريا جانە ينفراقۇرىلىمدىق دامۋ مينيسترلىگى قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى كوميتەتى توراعاسىنىڭ ورىنباسارى, ونەركاسىپ جانە قۇرىلىس مينيسترلىگى قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى كوميتەتى توراعاسىنىڭ ورىنباسارى لاۋازىمدارىن اتقارعان.
