سۋرەت: ru.freepik.com
و.پەرەپەچينا حۆق-عا ەكونوميكالىق جاعدايدى باعالاۋ جانە ورنىقتى وسۋگە قول جەتكىزۋگە مۇمكىندىك بەرەتىن ساياسي شارالار ارقىلى ۇسىنىستار بەرۋ ماسەلەسىندە جۇيەلى ديالوگ جۇرگىزگەنى ءۇشىن العىسىن ءبىلدىردى.
«وسى ماقساتقا جەتۋ ءۇشىن مەملەكەت باسشىسى حالىققا جولداۋىندا جاڭا قۇرالدار مەن مۇمكىندىكتەردى ىزدەۋ ارقىلى قارجى, سالىق-بيۋدجەت جانە اقشا-كرەديت ساياساتىن ۇيلەستىرۋدى جاقسارتۋ قاجەتتىگى تۋرالى مىندەت قويدى. سونداي-اق قازىرگى ۋاقىتتا مەملەكەت باسشىسىنىڭ تاپسىرماسى بويىنشا پارلامەنت قابىرعاسىندا بيۋدجەت جانە سالىق كودەكستەرىنىڭ جوبالارىن جاڭا رەداكتسيادا قاراۋ جونىندە جۇمىس جۇرگىزىلىپ جاتىر. سەناتتىڭ قارجى جانە بيۋدجەت كوميتەتى بۇل جۇمىسقا كىرىسىپ كەتتى. اتاپ ايتقاندا, زاڭنامالىق باستامادان باسقا ءارتۇرلى الاڭداردا بيۋدجەت جانە سالىق ساياساتى ماسەلەلەرىن تالقىلاي وتىرىپ, ەلەۋلى شارالار وتكىزىلىپ جاتىر», دەدى و.پەرەپەچينا.
تاراپتار كەزدەسۋ بارىسىندا ەكونوميكانى دامىتۋ كەلەشەگىنە, مەملەكەتتىك باسقارۋ سەكتورىنىڭ بيۋدجەتىن دايىنداۋداعى كوميسسيانىڭ رولىنە, بيۋدجەت رەفورمالارىنىڭ وسى كەزدەگى بيۋدجەتتىك قاعيدالار مەن بيۋدجەتتىڭ ورتا مەرزىمدى كورسەتكىشتەرىن ىسكە اسىرۋعا قاتىستى ماسەلەلەردى تالقىلادى. ەلىمىزدىڭ قارجىلىق تۇراقتىلىعىن ارتتىرۋعا, شەتەلدىك ينۆەستيتسيا تارتۋعا, سونداي-اق ەكونوميكانى ارتاراپتاندىرۋعا باعىتتالعان ستراتەگيالىق شارالار ەرەكشە نازارعا الىندى.
ن.بلانشە حۆق باسشىلىعىنىڭ اتىنان ەلىمىزدىڭ ۇزاق مەرزىمدى ورنىقتىلىعى مەن ماكروەكونوميكالىق تۇراقتىلىعىن نىعايتۋعا باعىتتالعان رەفورمالارعا قولداۋ ءبىلدىردى.
