جەمقورلىققا قارسى كۇرەس تۋرالى زاڭدى تۇزەتۋ قارالادى

ءماجىلىستىڭ جالپى وتىرىسىندا كەيبىر زاڭنامالىق اكتىلەردى كونس­تيتۋتسيا نورمالارىنا ساي­كەس كەلتىرۋگە باعىتتالعان زاڭ جو­باسى ءبىرىنشى وقىلىمدا تالقى­لانادى. كونستيتۋتسيالىق سوت «سىبايلاس جەمقورلىققا قار­سى كۇرەس تۋرالى» زاڭنىڭ 13-با­بىن كونستيتۋتسياعا قايشى كەلەدى دەپ تاپتى. مەملەكەتتىك فۋنكتسيالاردى ورىنداۋعا ۋاكىلەتتىك بەرىلگەن ادامدارعا تەڭە­ستىرىلگەن تۇلعالارعا قاتىس­تى قولدانىستاعى سىبايلاس جەم­ق­ورلىققا قارسى شەكتەۋلەر ولار­دىڭ قۇقىقتارىن بۇزاتىنى انىق­تالدى. وسىعان بايلانىستى زاڭ جوباسىندا سىبايلاس جەم­قور­لىققا قارسى شەكتەۋلەر ماسەلە­لەرىن رەتتەيتىن تۇزەتۋلەر ەنگىزۋ كوزدەلگەن.

سونداي-اق دەپۋتاتتار سوتتال­عان ادامداردى بەرۋ تۋرالى قازاق­ستان-ۆەتنام اراسىنداعى شارتتى راتيفيكاتسيالاۋ تۋرالى زاڭ جوباسىن دا قارايدى. قۇجات باس بوستاندىعىنان ايىرۋ جازاسىنا كەسىلگەن ادامداردى ءوز ازاماتتىعى بار مەملەكەتتە جازاسىن وتەۋ ءۇشىن ەلدەر اراسىنداعى قارىم-قاتىناستاردى رەتتەۋگە باعىتتالعان. سونىمەن قاتار جالپى وتىرىستا پالاتا كوميتەتتەرى بىر­قاتار حالىقارالىق شارت­تى راتي­فيكاتسيالاۋ تۋرالى زاڭ جوبالارىن جۇمىسقا قابىلدايدى.