روبوتوتەحنيكا: قازاقستان وقۋشىلارى ءۇش دۇركىن الەم چەمپيونى اتاندى

وقۋ-اعارتۋ مينيسترلىگىنىڭ ءباسپاسوز قىزمەتىنىڭ ءمالىم ەتۋىنشە  وقۋشىلارىمىز بىرنەشە باعىت بويىنشا كوش باستاپ قانا قويماي, 190 ەلدىڭ اراسىنان باستى جۇلدەنى جەڭىپ الىپ, رەكوردتىق ناتيجەگە قول جەتكىزدى.

ء«بىز جارىستا توپ جارىپ, ەلىمىزدىڭ جۇلدە قورجىنىن التىن مەدالمەن تولىقتىردىق جانە رەكوردقا قول جەتكىزدىك. الەمنىڭ بىردە-ءبىر ەلى ەكى دۇركىن چەمپيون بولا المادى, ال ءبىزدىڭ بالالارىمىز ءۇشىنشى جىل قاتارىنان جەڭىس تۇعىرىنان كورىندى. ايتا كەتۋ كەرەك, كوماندا قۇرامى وسى جىلداردا قايتالانعان ەمەس, ەلىمىزدىڭ نامىسىن قورعاۋعا ءار جارىسقا ۇنەمى جاڭا ويىنشى اتتانىپ وتىرادى, ولار سايىستىڭ ۇلتتىق كەزەڭىندە ىرىكتەلەدى», دەيدى قوردىڭ نەگىزىن قالاۋشى جانە قۇرامانىڭ جاتتىقتىرۋشىسى اسىلبەك مۇرزاحمەتوۆ.

كوماندا قۇرامىنا الماتى قالاسىنىڭ فمب نزم-ءنىڭ وقۋشىلارى: ەرداۋلەت تۇرگەنباەۆ, ءالفيا بايجاقىپ, نۇرجان كوكەەۆ, دوسجان دايران, قادىلبەك داستان ەندى. جاتتىقتىرۋشىلارى – نۇرداۋلەت دوسماعامبەت پەن دۋلات بايتۋلەنوۆ. 

Grand Challenge Award نوميناتسياسى بويىنشا التىن مەدال مەن ويىندارداعى رەكوردتىق ۇپاي سانىنان باسقا, قازاقستان جۇلدە قورى جوعارعى تورەشىلەر نوميناتسياسىندا ەكى كۇمىس مەدالمەن تولىقتى: ا.ەينشتەين اتىنداعى FIRST Global International Excellence جانە ۇزدىك ينجەنەرلىك ازىرلەمەلەر ءۇشىن Robots Skills Challenge. بۇدان باسقا ءال-حورەزمي اتىنداعى Outstanding Supporter نومرناتسياسىندا كۇمىس مەدالمەن وتاندىق USTEM FOUNDATION جاس ينجەنەرلەرگە كورسەتكەن قولداۋى ءۇشىن ماراپاتتالدى.