ۇلىتاۋ وبلىسى اكىمدىگى
بەلگىلى بولعانداي, جۇرگىزىلىپ جاتقان جۇمىس شەڭبەرىندە ەلەۋلى جەمقورلىق تاۋەكەلدەرى انىقتالدى.
« ۇلىتاۋ وبلىسى قۇرىلعاننان بەرى اكىمدىكتەردىڭ بەيىندى بولىمدەرى مەن باسقارمالارى جولدارعا پاسپورتتاۋ جۇرگىزبەگەن. جولداردىڭ جاي-كۇيىن پاسپورتتاۋدىڭ جانە ەسەپكە الۋدىڭ بولماۋى ساپاسىز جوسپارلاۋ جانە جوندەۋ جۇمىستارىن جۇرگىزۋ قاۋپىن ارتتىرادى, سونداي-اق جوندەۋگە جاتاتىن جول جامىلعىسىنىڭ اۋدانى بويىنشا كوتەرىلگەن سمەتالاردى بەكىتۋدىڭ جۇيەلى فاكتىلەرىنە ىقپال ەتەدى.
بۇل كەمشىلىكتەر مەردىگەرلەر مەن تاپسىرىس بەرۋشىلەر ءۇشىن تولقۇجاتتارى بولماعان كەزدە تەحنيكالىق قۇجاتتامامەن ايلا-شارعى جاساۋعا قولايلى جاعداي تۋعىزادى.
جاو سىبايلاس جەمقورلىققا قارسى قىزمەتىنىڭ ۇسىنىسى بويىنشا جولداردى اسپاپتىق زەرتتەۋ ءراسىمىن جوسپارلاۋ بويىنشا جۇمىس جۇرگىزۋدە, ودان كەيىن پاسپورتتاۋ جۇرگىزىلەدى, «ساتباەۆ قالاسىنىڭ جولاۋشىلار كولىگى جانە اۆتوموبيل جولدارى ءبولىمى» مم 2024-2025 جىلدارعا ارنالعان اسپاپتىق تەكسەرۋ جانە پاسپورتتاۋ جۇرگىزۋ بويىنشا مەملەكەتتىك ساتىپ الۋ شەڭبەرىندە شارت جاساستى», دەلىنگەن ۆەدومستۆو حابارلاماسىندا.
پاسپورتتاۋدى قولدانۋ ورىندالاتىن جۇمىستاردىڭ ساپاسىن ارتتىرۋعا, كولەمدەردى, تەحنيكالىق جاي-كۇيدى جانە ينجەنەرلىك جەلىلەردى دۇرىس انىقتاۋعا مۇمكىندىك بەرەدى.
