استانا اكىمدىگى
جەرگىلىكتى اكىمدىك مالىمەتىنشە, باس قالادا وڭىرلەردەن كەلگەن تاۋار وندىرۋشىلەردىڭ قاتىسۋىمەن اۋىل شارۋاشىلىعى جارمەڭكەلەرىنىڭ ماۋسىمى ءوتىپ جاتىر. 28-29 قىركۇيەكتە ءوز ونىمدەرىن اباي ءارى قىزىلوردا وبلىستارىنىڭ اگرارشىلارى ۇسىنادى.
قوس ءوڭىردىڭ اۋىل شارۋاشىلىعى تاۋارىن وندىرۋشىلەر استاناعا ەت, ءسۇت ونىمدەرى, جەمىس-جيدەك, كوكونىس, بال مەن باسقا دا تاۋارلاردى قوسا العاندا 830 توننادان استام ءونىم اكەلدى.
- ەلوردا تۇرعىندارى جانە قوناقتارىنا قىزىلوردا وبلىسى ارتىستەرىنىڭ قاتىسۋىمەن كونتسەرتتىك باعدارلاما ۇسىنىلادى. كەلەسى جارمەڭكەدە پاۆلودار, باتىس قازاقستان, الماتى وبلىستارى ءوز ونىمدەرىن جەتكىزەدى, – دەدى قالالىق ينۆەستيتسيالار جانە كاسىپكەرلىكتى دامىتۋ باسقارماسىنىڭ ازىق-ت ۇلىك قاۋىپسىزدىگى ءبولىمىنىڭ باس مامانى نۇرداۋلەت قوسمان.
جارمەڭكەدەگى اسسورتيمەنت الۋان ءتۇرلى. اۋىل شارۋاشىلىعى تاۋارلارىن وندىرۋشىلەردىڭ سورەلەرىندە ەت, كۇرىش, بالىق, كوكونىس, جەمىس, وسىمدىك مايى, ءسۇت ونىمدەرى, بال, قىمىز, شۇجىق ونىمدەرى, باقشا داقىلدارى, اس تۇزى, سونداي-اق ءسۇت ءارى كونديتەرلىك ونىمدەر سياقتى ونىمدەر الۋعا بولادى.
«بۇگىن ءبىز اباي وبلىسىنىڭ اتىنان قاتىسىپ وتىرمىز. استاناعا ەكولوگيالىق تازا بال ساتاتىن 6 شارۋا قوجالىعى كەلدى. ءبىز ءوز ونىمدەرىمىزدى تەك قازاقستان بويىنشا ەمەس, شەتەلگە دە جەتكىزەمىز. ءبىزدىڭ بال – ەڭ تازا ءارى ەكولوگيالىق پايدالى ءونىم», دەدى فەرمەر رۋسلان حيجين ءوز ونىمدەرى تۋرالى.
جالپى, اباي مەن قىزىلوردا وبلىستارىنىڭ اۋىل شارۋاشىلىعى تاۋارىن وندىرۋشىلەر جارمەڭكەگە 400 توننا كۇرىش, 100 توننا بالىق, 100 توننا سيىر مەن جىلقى ەتى, سونداي-اق 30-40 تونناعا جۋىق بال اكەلدى.
ء«بىز جارمەڭكەلەردەن ۇنەمى ازىق-ت ۇلىك ساتىپ الۋعا تىرىسامىز. وتكەن اپتادا اتىراۋ وبلىسىنىڭ بالىقتارىن ساتىپ الىپ, ريزا بولدىق. بۇگىن جاڭا پىسكەن جەمىس جانە كوكونىستى ساتىپ الدىق. مەنىڭ ويىمشا, باعالار وتە قولايلى. ەندى كەلەسى جارمەڭكەنى كۇتىپ وتىرمىز», دەيدى ەلوردا تۇرعىنى سانجار وتاۋباي.
بيىل جارمەڭكە قارقارالى تاس جولىنداعى «قازانات» يپپودرومىنا قاراما-قارسى ورىندا وتەدى. قالا تۇرعىندارىنا ءارى قوناقتارىنا ىڭعايلى بولۋ ءۇشىن جارمەڭكەلەردى وتكىزۋ كەزەڭىندە №18, 37, 303, 323 باعىتىنداعى اۆتوبۋس مارشرۋتتارى قامتاماسىز ەتىلەدى. جارمەڭكەلەر ءار دەمالىس كۇندەرى 27 قازانعا دەيىن وتەدى.
