ءىىم
24 قىركۇيەكتە ساعات 12:30 شاماسىندا قاراعاندى قالاسى پوليتسيا باسقارماسىنىڭ وڭتۇستىك-شىعىس پوليتسيا بولىمىنە قالا تۇرعىنى حابارلاسىپ, 30 مينۋت بۇرىن 83 جاستاعى اجەسى جوعالىپ كەتكەنىن حابارلاعان. زەينەتكەر پاتەردەن شىعىپ كەتكەن.
قارت ادام دەمەنتسيامەن اۋىراتىنى بەلگىلى بولدى. وقيعا تۋرالى پوليتسيا ءبولىمىنىڭ بارلىق جەكە قۇرامىنا, پاترۋلدىك ناريادتارعا حابارلاندى. جوعالعان زەينەتكەردى ىزدەۋگە كينولوگيالىق قىزمەتتىڭ قىزمەتكەرلەرى قاتىستى. كوپ ۇزاماي پوليتسەيلەر جاياۋ جۇرگىنشىلەر جولىندا جاتقان زەينەتكەردى تاپتى. قىزمەتكەرلەر وعان العاشقى كومەك كورسەتىپ, كەيىن تۋىستارىن شاقىرعان.
«اجەمدى تەز تاۋىپ العان پاترۋلدىك پوليتسيا قىزمەتكەرلەرى مەن كينولوگيالىق قىزمەتكە العىسىمدى بىلدىرگىم كەلەدى», دەدى جوعالعان ادامنىڭ تۋىسى.
