تۇتىنۋشى قۇقىن بۇزعان كاسىپكەرلەر جازالاندى

اتالعان كاسىپكەرلەرگە سالىنعان ايىپ­­پۇلدىڭ جالپى سوماسى 343 400 تەڭ­گە­نى قۇراعان. ولار اكىمشىلىك قۇقىق­بۇزۋ­شى­لىق تۋرالى كودەكستىڭ 193-بابىنىڭ 4-بولىگى نە­گىزىندە جاۋاپقا تارتىلعان.

بۇل باپقا سايكەس, ەل اۋماعىندا باعالار جاپسىر­ماسىمەن رەسىمدەلگەن, ساۋدا وبەك­تى­سىنىڭ ىشكى جانە سىرتقى ۆيترينالارىندا قويىلعان تاۋاردى باعاسىن تەڭگەمەن كور­سەتپەي وتكىزۋ نەمەسە جاريا شارت تالاپ­تارى بويىنشا تاۋاردى وتكىزگەن كەزدە ونىڭ باعاسىن تەڭگەمەن كورسەتپەۋ شاعىن كاسىپكەرلىك سۋبەكتىلەرىنە – 6, ورتا كاسىپكەرلىك سۋبەكتىلەرىنە – 10, ءىرى كاسىپ­كەر­لىك سۋبەكتىلەرىنە 30 ايلىق ەسەپتىك كور­سەتكىش مولشەرىندە ايىپپۇل سالۋعا الىپ كەلەدى.

ن.ەگەمبەرديەۆتىڭ ايتۋىنشا, وسى باپ بويىنشا اكىمشىلىك جازا قولدانىلعاننان كەيىن ءبىر جىل ىشىندە زاڭ بۇزۋشى­لىق قايتالانسا, شاعىن كاسىپكەرلىك سۋبەك­­­تىلەرىنە – 65, ورتا كاسىپكەرلىك سۋبەك­تى­لەرىنە – 120, ءىرى كاسىپكەرلىك سۋبەكتىلەرىنە 200 ايلىق ەسەپتىك كورسەتكىش مولشەرىندە ايىپ­پۇل سالىنادى.

سونداي-اق سالا باسشىسى ساۋ­دا قىز­مەتىن رەتتەۋ تۋرالى زاڭناماعا ساي­كەس ساۋدا بازارىنىڭ جۇمىس رەگ­لا­مەنتى بەكىتىلگەنىن, ونىڭ تالاپتارى ساق­تال­ماعان جاعدايدا دا جاۋاپكەرشىلىك قاراس­تى­رىل­عا­نىن ايتىپ ءوتتى.

«ساۋدا بازارىنىڭ قىزمەتىن ۇيىم­داس­تىرۋ جونىندەگى «ساۋدا قىزمەتىن رەتتەۋ تۋرالى» زاڭنىڭ تالاپتارىن بۇزعانى ءۇشىن, ساۋدا بازارىنىڭ اكىمشىسى بەكىتكەن ساۋ­دا بازارى رەگلامەنتىنىڭ بولماۋى سەبەپتى اقبتك-ءنىڭ 204-2-بابى بويىنشا 7 ساۋ­دا بازارى ەسكەرتۋ تۇرىندە اكىمشىلىك جاۋاپ­كەر­شى­لىككە تارتىلدى», دەدى دەپارتامەنت باس­شىسى.

بۇعان قوسا وسى باپپەن اكىمشىلىك جازا قولدانىلعاننان كەيىن ءبىر جىل ىشىندە ءدال سونداي زاڭبۇزۋشىلىق تاعى قايتالانعان جاعدايدا 25 اەك مول­شەرىندە ايىپپۇل سالىنادى.