فوتو قر سۋ رەسۋرستارى جانە يرريگاتسيا مينيسترلىگى
ۇلىتاۋ وبلىسىنداعى ەڭ ءىرى سۋ قويماسىنىڭ جالپى كولەمى 319 ميلليون تەكشە مەتردى قۇرايدى.
ءمينيستردىڭ ايتۋىنشا, سۋ قويماسىن مەملەكەتكە قايتارۋ پروتسەسى اياقتالۋعا جاقىن. نىسان وسى جىلدىڭ سوڭىنا دەيىن سۋ رەسۋرستارى جانە يرريگاتسيا مينيسترلىگىنىڭ «قازسۋشار» رەسپۋبليكالىق كاسىپورنىنىڭ بالانسىنا كوشۋى ءتيىس.
«كەڭگىر سۋ قويماسى - ايماقتاعى نەگىزگى سۋ كوزى. جەرگىلىكتى تۇرعىندار سۋدىڭ ساپاسىنا, ونىڭ ءتيىمسىز پايدالانىلۋىنا جانە ەكولوگيالىق ماسەلەلەرگە الاڭداۋشىلىق ءبىلدىرىپ وتىر. نىسانداعى گيدروتەحنيكالىق قۇرىلىستار اپاتتى جاعدايدا. سۋ قويماسىن مەملەكەت مەنشىگىنە قايتارعاننان كەيىن ءبىز قوردالانعان ماسەلەلەردى شەشۋ ءۇشىن ەڭ الدىمەن كوپ فاكتورلى زەرتتەۋ جۇرگىزەمىز», دەدى مينيستر نۇرجان نۇرجىگىتوۆ.
سونداي-اق ۇلىتاۋ وبلىسىنىڭ تۇرعىندارى مينيسترگە ءوڭىردى ساپالى اۋىزسۋمەن قامتاماسىز ەتۋ, جەراستى سۋ قۇبىرلارىن جوندەۋ جانە جەرگىلىكتى سۋ ايدىندارىنىڭ ەكولوگيالىق جاعدايى جونىندە سۇراقتارىن قويدى.
