سۋرەت: kk.narxoz.kz
ءىس-شارانىڭ اشىلۋىندا ۋنيۆەرسيتەت پرەزيدەنتى قانات قوجاحمەت زاڭ كلينيكاسى ستۋدەنتتەردى تەوريالىق بىلىممەن قاتار دۋالدى ءبىلىم بەرۋ فورماتىنداعى پراكتيكالىق داعدىعا باۋلۋعا ىقپال ەتەتىنىنە توقتالدى.
– ءبىر توپ ادام ءبىر-بىرىمەن قول ۇستاسىپ, قاراڭعى تۇنەكتە ءبىلىم ىزدەپ ساپارعا شىعادى. ۇستازى قاراڭعىدا اياقاستىنان تاس كەزىكسە, كوتەرىپ الا جۇرىڭدەر, كەرەك بولادى دەيدى. تۇنەكتەن جارىققا شىعار الدىندا ەسىك تارس جابىلعاندا ۇستاز: «كىم تاس ارقالاپ كەلە جاتىر؟ جارىققا شىعاتىن جول – وسى ارقالاعان تاستارىڭىز», دەپتى. تاس كوتەرگەندەر جارىققا شىعىپ قاراسا, اياقاستىنان تەرىپ العاندارى جاۋھار تاس بولىپ شىعادى. سوندىقتان ءبىلىم ىزدەگەن جاستار ءاردايىم ءوزىنىڭ جاۋھار تاستارىن اداسپاي تاپسىن, – دەپ ق.قوجاحمەت جاستاردى جىگەرلەندىردى.
قۇقىق جانە مەملەكەتتىك باسقارۋ مەكتەبىنىڭ زاڭ كلينيكاسىندا ستۋدەنتتەر بىلىكتى ۇستازداردىڭ جەتەكشىلىگىمەن ءىس جۇرگىزۋدى ۇيرەنىپ, قۇجاتتار ازىرلەپ, مۇددەلەرىن قورعاپ, زاڭ كومەگىن كورسەتىپ, تەوريالىق ءبىلىمىن ءىس جۇزىندە قولدانۋعا مۇمكىندىك الادى. ۋنيۆەرسيتەت پروفەسسورى گۇلميرا سۇلتانباەۆا اتاپ وتكەندەي, بۇل پراكتيكا ءبىلىم الۋشىلاردىڭ تاقىرىپتى جاقسى مەڭگەرۋىنە, كاسىبي دامۋىنا ىقپال ەتەدى. كلينيكا ستۋدەنتتەردىڭ قۇقىقتىق ماسەلەلەردى شەشۋ, سىني ويلاۋ ءارى توپتىق جۇمىس ورىنداۋ, سونداي-اق كوممۋنيكاتسيا, تالداۋ, دالەلدەۋ, شەشىم قابىلداۋ داعدىلارىن دامىتۋعا ارنالعان الاڭ رەتىندە قىزمەت ەتەدى. زاڭ كلينيكاسى ستۋدەنتتەرگە, اتا-انالارعا, قالا تۇرعىندارىنا قولدانىستاعى زاڭنامالار, قۇقىقتىق نورمالارعا قاتىستى اقىسىز كەڭەستەر ۇسىنادى. تەگىن زاڭ كومەگىن كورسەتۋ ستۋدەنتتەردىڭ قوعامدىق ماسەلەلەرگە بەلسەنە قاتىسۋىنا جول اشىپ, كاسىبي دامۋىنا نەگىز بولماق.
ءىس-شارا بارىسىندا نارحوز ۋنيۆەرسيتەتى مەن كومپلاەنس جانە ىسكەرلىك ەتيكا قاۋىمداستىعى, رەسپۋبليكالىق ادۆوكاتتار القاسى, الماتى ادۆوكاتتار القاسى, الماتى وبلىستىق ادۆوكاتتار القاسى, «زاڭ» مەديا-كورپوراتسياسى اراسىندا ىنتىماقتاستىق تۋرالى مەموراندۋمعا قول قويىلىپ, قاتىسۋشىلار كامپۋس-تۋرعا قاتىستى.
سونىمەن الماتى قالاسىنداعى «زاڭ كلينيكاسىنا» كەلىپ تەگىن كەڭەس الۋعا بولادى.
الماتى
