فوتو سەناتتىڭ ءباسپاسوز قىزمەتى
سەناتور كەزدەسۋدە بۇل جوبانىڭ قازاقستانعا اسا ماڭىزدى ەكەنىن اتاپ ءوتتى.
«بىزدە اتوم ەلەكتر ستانتسياسىن سالۋعا بارلىق وبەكتيۆتى العىشارتتار بار. ول, بىرىنشىدەن, قازاقستاندى وسى ماڭىزدى شيكىزاتتى ءوندىرۋ بويىنشا كوشباسشىلاردىڭ بىرىنە اينالدىراتىن ۋراننىڭ باي قورى. ەكىنشىدەن, بىزدە ۋراندى قايتا وڭدەۋگە ارنالعان دامىعان ينفراقۇرىلىم بار, بۇل رەسۋرستاردى ءتيىمدى پايدالانۋعا جانە اتوم ەلەكتر ستانتسياسىن سالۋ شىعىندارىن ازايتۋعا مۇمكىندىك بەرەدى. سونىمەن بىرگە, بىزدە جوبانى قاجەتتى تەحنولوگيالار مەن يننوۆاتسيامەن قامتاماسىز ەتە الاتىن قۋاتتى عىلىمي بازا بار. وسى فاكتورلاردىڭ بارلىعى ەلىمىزگە وسى اۋقىمدى جانە ماڭىزدى جوبانى ىسكە اسىرۋعا سەنىمدى ىرگەتاس جاسايدى», دەدى قانيەۆ.
سەناتور اتوم ەلەكتر ستانتسياسىنىڭ قۇرىلىسى ەلىمىزدىڭ ەنەرگەتيكالىق قاۋىپسىزدىگىن قامتاماسىز ەتۋگە جانە جەر قويناۋىنان الىناتىن ەنەرگيا كوزدەرىنە تاۋەلدىلىكتى ازايتۋعا باعىتتالعان ماڭىزدى قادام بولۋى مۇمكىن ەكەنىن ايتتى. سونىمەن قاتار جاڭا ەلەكتر ستانتسياسى سالىنسا جۇمىس ورىندارى اشىلىپ, ينۆەستيتسيا تارتىلاتىنى ايتىلدى.
شالقار اۋدانىنىڭ تۇرعىندارى تاقىرىپتى قىزۋ تالقىلادى. ولار دەپۋتاتتارعا اەس-ءتى پايدالانۋ قاۋىپسىزدىگى, قورشاعان ورتانى قورعاۋ جانە جوبانىڭ الەۋمەتتىك اسەرى تۋرالى كوپتەگەن سۇراقتار قويدى.
