فوتو سەناتتىڭ ءباسپاسوز قىزمەتى
ساپار بارىسىندا «كاسپيتسەمەنت», «جەتىبايمۇنايگاز» جشس ۇجىمدارىنىڭ قىزمەتكەرلەرىمەن, ماڭعىستاۋ اۋداندىق ءماسليحاتىنىڭ دەپۋتاتتارىمەن, سونداي-اق قوعامدىق كەڭەس مۇشەلەرىمەن جانە ازاماتتىق قوعام وكىلدەرىمەن كەزدەسۋلەر بولدى.
دەپۋتاتتار تالقىلاۋ بارىسىندا اتوم ەلەكتر ستانتسياسىن سالۋ ەلدىڭ ەنەرگەتيكالىق قاۋىپسىزدىگىن قامتاماسىز ەتۋدەگى ماڭىزدى قادام بولاتىنىنا نازار اۋداردى. ولار بۇل جوبا قازاقستانداعى ەلەكتر ەنەرگياسى تاپشىلىعىنىڭ دەڭگەيىن تومەندەتۋگە كومەكتەسەتىنىن جانە ەنەرگەتيكا سالاسىن دامىتۋ ءۇشىن جاڭا مۇمكىندىكتەر اشاتىنىن اتاپ ءوتتى.
ء«بىز حالىققا اتوم ەلەكتر ستانتسياسىن سالۋعا بايلانىستى قاۋىپتەردىڭ از ەكەنىن جەتكىزۋگە تىرىسامىز. تەحنولوگيامەن تانىسىپ, ادامدارعا بارلىق قاۋىپتىڭ مۇقيات باقىلاناتىنىن تۇسىندىرەمىز. ەگەر بۇرىن قالىڭ كوپشىلىك اتوم ەلەكتر ستانتسياسىنىڭ قاجەتتىلىگىن تۇسىنبەسە, قازىر الدەقايدا جاقسى بىلەدى», دەدى ول.
كەزدەسۋ اۋىل تۇرعىندارى مەن ۇيىم وكىلدەرىنىڭ جوباعا دەگەن ىنتا-ىقىلاسى جوعارى ەكەنىن كورسەتتى. بۇل قوعامدىق تالقىلاۋ اياسىندا وسىنداي ءتۇسىندىرۋ شارالارىن وتكىزۋدىڭ ماڭىزدىلىعىن پاش ەتەدى.
