فوتو: senate.parlam.kz
جوعارعى پالاتانىڭ ءباسپاسوز قىزمەتى مالىمدەگەندەي, سەناتورلار كەزدەسۋلەر بارىسىندا ەنەرگيانىڭ ەڭ ەكولوگيالىق تازا ءتۇرى رەتىندە اتوم ەنەرگەتيكاسىنىڭ ارتىقشىلىقتارىنا توقتالدى. سونداي-اق اەس قاۋىپسىزدىگى جانە قورشاعان ورتا مەن حالىقتى قورعاۋدى قامتاماسىز ەتۋ جونىندەگى قابىلداناتىن شارالار ماسەلەسىن تالقىلادى. كەزدەسۋلەردە اتوم ەنەرگەتيكاسى كومىرسۋتەگى كوزىنە ەكولوگيالىق ەڭ تازا بالامانىڭ ءبىرى ەكەنى تىلگە تيەك ەتىلدى.
«تابيعي ۋراننىڭ ءبىر كيلوگراممى 10 توننا كومىر وندىرەتىندەي ەنەرگيا بەرەدى. بۇل اتوم ەنەرگياسىنىڭ قانشالىقتى ءتيىمدى ەكەنىن ايقىن كورسەتەدى. ەلىمىزدىڭ ءوسىپ كەلە جاتقان قاجەتتىلىگىن قاناعاتتاندىرۋ ءۇشىن بىزگە سەنىمدى جانە ەكولوگيالىق تازا ەنەرگيا كوزى قاجەت. اەس ازاماتتاردىڭ ورنىقتى بولاشاعىن قامتاماسىز ەتۋگە مۇمكىندىك بەرەدى», دەدى جاننا اسانوۆا.
كەزدەسۋدە اەس سالۋ جونىندە وتەتىن رەفەرەندۋمنىڭ نەگىزگى ماسەلەلەرى دە تالقىلانىپ, اتالعان جوبا قازاقستان ءۇشىن ماڭىزدى قادام ەكەنى ايتىلدى.
