فوتو:Freepik
سانيتارلىق-ەپيدەميولوگيالىق باقىلاۋ دەپارتامەنتىنىڭ ءباسپاسوز قىزمەتى حابارلاعانداي, وتكەن اپتامەن سالىستىرعاندا اۋرۋشاڭدىق 8 پايىزعا وسكەن. ناۋقاستاردىڭ اراسىندا 14 جاسقا دەيىنگى بالالاردىڭ ۇلەسى 65%-دى نەمەسە 2 403 جاعدايدى قۇراعان.
سانيتارلىق دارىگەرلەر ماۋسىمدىق تۇماۋدىڭ الدىن الۋدىڭ ەڭ ءتيىمدى جولى - ەكپە ەكەنىن اتاپ ءوتتى. تاۋەكەل توبىنداعى ادامداردى تەگىن ۆاكتسيناتسيالاۋ ءۇشىن رەسەيلىك «گريپپول پليۋس» ۆاكتسيناسىنىڭ 60 مىڭ دوزاسى ساتىپ الىنعانى حابارلاندى.
ايتا كەتەرلىگى, مامىر-شىلدە ايلارىندا وبلىستا كوروناۆيرۋس تىركەلمەگەن. ال تامىز ايىندا بەس جاعداي تىركەلگەن. جالپى, جىل باسىنان بەرى وبلىستىڭ 54 تۇرعىنىندا كوروناۆيرۋس انىقتالعان.
«اۋماقتىق تيەسىلىگى بويىنشا 46% نەمەسە 25 جاعداي پەتروپاۆل قالاسىندا, 13% - م.جۇماباەۆ اۋدانىندا, 7% - مامليۋت اۋدانىندا, ارقايسىسى 5% - اققايىڭ, ع.مۇسىرەپوۆ اتىنداعى جانە تايىنشا اۋداندارى, ارقايسىسى 4 پايىزدان – ايىرتاۋ, قىزىلجار, تيميريازەۆ جانە ءۋاليحانوۆ اۋداندارىندا تىركەلگەن», دەلىنگەن حابارلامادا.
