فوتو: polisia.kz
ەسكە سالا كەتەيىك, بۇعان دەيىن پوليتسيا وبلىس ورتالىعىنىڭ تۇكپىر-تۇكپىرىندە ەسىرتكى تاراتۋمەن اينالىسقان ەكى ادامدى ۇستاعان ەدى. ولاردىڭ ءبىرى دەنە شىنىقتىرۋ فاكۋلتەتىنىڭ 4-ءشى كۋرسىندا وقىعان.
انىقتالعانداي, كۇدىكتىلەردىڭ جالدامالى پاتەرىن ءتىنتۋ كەزىندە قىزمەتكەرلەر 4 كەلىدەن استام سينتەتيكالىق ەسىرتكى – «ا-PVP» تاركىلەگەن. سونىمەن قاتار ەلەكتروندى تارازىلار, 240 ميني-ماگنيتتەر, ەلەكتر تاسپاسى, فولگا جانە ەسىرتكىنى وراۋعا ارنالعان باسقا دا قۇرىلعىلار تابىلعان.
«تاركىلەنگەن پارتيانىڭ قۇنى قارا نارىقتا شامامەن 100 ملن تەڭگەنى قۇرايدى. پوليتسەيلەر اينالىمعا 15 مىڭنان استام دوزانىڭ جىبەرىلۋىنە جول بەرمەدى. ەسىرتكى زاتتارىن اسا ءىرى مولشەردە تاراتقانى ءۇشىن سوت ۇكىمىمەن ەكەۋىنە دە 11 جىلعا باس بوستاندىعىنان ايىرۋ جازاسى تاعايىندالدى», دەلىنگەن حابارلامادا.
ۇكىم زاڭدى كۇشىنە ەندى.
ايتا كەتەرلىگى, جىل باسىنان بەرى قوستاناي وبلىسى پد ەسىرتكى قىلمىسىنا قارسى ءىس-قيمىل جونىندەگى قىزمەتكەرلەرى زاڭسىز اينالىمنان 63 كەلى ءتۇرلى ەسىرتكى زاتتارىن تاركىلەگەن.
