فوتو: gov.kz
انىقتالعانداي, بالاباقشا ەسەپشىسى 2021-2023 جىلدارى جالاقىسىنا كوەففيتسيەنتىن جاساندى تۇردە ارتتىرىپ, بانكتەگى شوتىنا جالپى سوماسى 15 ميلليوننان استام تەڭگە اۋدارعان.
سوتتالۋشى سوتتا بۇل قىلمىسقا قارىزىن وتەۋ ماقساتىندا بارعانىن تۇسىندىرگەن.
ايىپتالۋشىنىڭ كىناسى ونىڭ مويىنداۋىمەن, كۋاگەردىڭ ايعاقتارىمەن, ساراپتاما قورىتىندىلارىمەن, تولەم قۇجاتتارىمەن, سوتتا زەرتتەلگەن تەرگەۋ جانە جاسىرىن تەرگەۋ ارەكەتتەرىنىڭ حاتتامالارىمەن راستالعان.
«شىنايى وكىنۋى, كەلتىرىلگەن زياندى تولىق وتەۋى جانە اسىراۋىندا ءۇش كامەلەتكە تولماعان بالانىڭ بولۋى جاۋاپكەرشىلىكتى جەڭىلدەتەتىن ءمان-جايلار دەپ تانىلدى. سوتتالۋشى قك-ءنىڭ 189-بابىنىڭ 4-بولىگىنىڭ 2) تارماعىمەن كىنالى دەپ تانىلىپ, 7 جىلعا باس بوستاندىعىنان جانە 10 جىلعا مەملەكەتتىك جانە كوممەرتسيالىق ۇيىمداردا تاۋارلىق-ماتەريالدىق قۇندىلىقتارعا بيلىك ەتۋمەن بايلانىستى لاۋازىمداردى اتقارۋ قۇقىعىنان ايىرىلدى. قك-ءنىڭ 63-بابىنا سۇيەنە وتىرىپ, پروباتسيالىق باقىلاۋ بەلگىلەنىپ, تاعايىندالعان جازا شارتتى دەپ ەسەپتەلەدى», دەلىنگەن حابارلامادا.
ۇكىم زاڭدى كۇشىنە ەندى.
