فوتو: اشىق دەرەككوز
حابارلانعانداي, 2024 جىلعى 18 قىركۇيەكتە اقمولا وبلىسى پروكۋراتۋراسىنىڭ ۇيلەستىرۋىمەن تسەلينوگراد اۋدانى پوليتسيا ءبولىمىنىڭ قىزمەتكەرلەرى الاياقتىقتىڭ 47 ەپيزودىن جاساپ, ىزدەۋدە جۇرگەن «ا» ازاماتىن قولعا تۇسىرگەن.
«2024 جىلدىڭ قاڭتار ايىنان باستاپ كۇدىكتى استانا قالاسى مەن اقمولا وبلىسىنىڭ تۇرعىندارىن الداۋ جانە سەنىمىن تەرىس پايدالانۋ جولىمەن 90 ملن تەڭگەنى يەمدەنگەن», دەلىنگەن حابارلامادا.
قازىرگى ۋاقىتتا كۇدىكتى تەرگەۋ يزولياتورىندا وتىر. كۇدىكتىنىڭ مۇلكى تاركىلەنىپ, وعان 10 جىلعا دەيىنگى مەرزىمگە باس بوستاندىعىنان ايىرۋ تۇرىندەگى جازا تاعايىندالۋى مۇمكىن.
