«تازا قازاقستان», «تازا جاعالاۋ», «تازا ورمان», «بۇلاق كورسەڭ – كوزىن اش», «قوقىس جوق!» اكتسيالارىنا وقۋشىلار, جەرگىلىكتى تۇرعىندار, جەرگىلىكتى بيزنەس قوعامداستىق وكىلدەرى, 500-دەن استام ەرىكتىلەر قاتىستى.
«قۇمىرسقا يلەۋى» اكتسياسى بارىسىندا ەرىكتىلەر قۇمىرسقا يلەۋلەرىن قورشادى. «تىنىستا, تال بۇتاق!» اكتسياسى اعاش بۇتاقتارىن ولاردىڭ وسۋىنە كەدەرگى كەلتىرەتىن ەسكى بايلاۋلاردان بوساتۋعا كومەكتەستى جانە اعاشتاردىڭ زاقىمدانۋىن بولدىرمادى.
«ەكو-قوزعالىس قارقىن الىپ, ۇلتتىق پارك ينسپەكتورلارىنىڭ جۇمىسىنا ەلەۋلى قولداۋ كورسەتىپ وتىرعانىن بايقاۋ, سەزىنۋ – وتە قۋانىشتى. ەرىكتىلەر سانى مەن ولاردىڭ ەكولوگيالىق سانا-سەزىمى, حاباردار بولۋ دەڭگەيى ءوسىپ كەلەدى. ەڭبەك ۇجىمدارى بىزگە كومەك قولىن ۇسىنا باستادى. بۇل وتە جاقسى بەلگى», دەپ اتاپ ءوتتى «بۋراباي» مۇتپ باس ورمانشىسى باۋىرجان ماحمەتوۆ.
بۇل ءىس-شارالار ەكولوگيالىق تەپە-تەڭدىكتى قولداۋدا عانا ەمەس, جاس قازاقستاندىقتاردى ەكولوگيالىق تاربيەلەۋدە دە ماڭىزدى قادام بولدى.
«مۇنداي اكتسيالارعا قاتىسقان سايىن مەن تابيعاتىمىزدىڭ بولاشاعى ءۇشىن جاۋاپكەرشىلىكتى سەزىنەمىن. ءوز جۇمىسىڭنىڭ ناتيجەلەرىن جانە تازا ورماندى كورۋ – كەرەمەت سەزىم», – دەيدى بۋراباي كەنتىندەگى ساكەن سەيفۋللين اتىنداعى مەكتەپتىڭ وقۋشىسى كاميلا ءمۇسىلىموۆا.
«بۋراباي» مۇتپ ديرەكتسياسى بيىلعى ەكولوگيالىق اكتسيالار ماۋسىمىنىڭ اياقتالعانىن جاريالادى, بىراق پارك قىزمەتكەرلەرى, ەرىكتىلەر دە تابيعاتتى قورعاۋ ماسەلەلەرىنە قىزىعۋشىلىق كەلەسى جىلى دا ارتا تۇسەتىنىنە سەنىمدى.
