فوتو: kazlenta.kz
جىل باسىنان بەرى 11 126 ازاماتقا زياندى ەڭبەك جاعدايلارىندا ۇزاق ۋاقىت جۇمىس ىستەگەن ادامدارعا ارنالعان ارناۋلى الەۋمەتتىك تولەم تاعايىندالعان. اتالعان تولەمدى تاعايىنداۋعا جالپى 11 816 ادام ءوتىنىش بىلدىرگەن.
ارناۋلى الەۋمەتتىك تولەمدى تاعايىنداۋعا ەڭ كوپ قاراعاندى, قوستاناي جانە شىعىس قازاقستان وبلىسىنىڭ تۇرعىندارى ءوتىنىش بەرگەن.
ەسكە سالا كەتەيىك, ارناۋلى الەۋمەتتىك تولەم تاعايىنداۋ ءۇشىن 55 جاسقا تولۋ جانە بىرىڭعاي جيناقتاۋشى زەينەتاقى قورىندا كەمىندە 7 جىل كاسىپتىك زەينەتاقى اۋدارىمدارىنىڭ بولۋى مىندەتتى شارت بولىپ سانالادى.
«تولەم زەينەتكەرلىك جاسقا دەيىن تولەنەدى. ارناۋلى الەۋمەتتىك تولەمدەردى الۋ ءۇشىن ەڭبەك جاعدايلارى زياندى جۇمىستارمەن اينالىسپاۋعا ءتيىس. جۇمىسكەرلەر جەڭىل جۇمىسقا اۋىسا الادى, سودان كەيىن ولار جالاقى مەن تولەم الادى نەمەسە دەمالىسقا شىعىپ, زەينەتكە شىققانعا دەيىن ارناۋلى الەۋمەتتىك تولەم الادى», دەلىنگەن مينيسترلىك تۇسىنىكتەمەسىندە.
بجزق دەرەكتەرى بويىنشا, ارناۋلى الەۋمەتتىك تولەمدى تاعايىنداۋ ءۇشىن مىندەتتى شارتتاردى ەسكەرە وتىرىپ, وعان 2024 جىلى 37 مىڭنان استام جۇمىسكەر ۇمىتكەر بولا الادى. جالپى تولەمنىڭ ورتاشا مولشەرى 208 مىڭ تەڭگەدەن اسادى. ءاربىر جۇمىسكەر ءۇشىن تولەم مولشەرى بجزق-داعى جيناقتارىنا بايلانىستى ەسەپتەلەدى.
