فوتو: اشىق دەرەككوز
انىقتالعانداي, قىلمىسكەرلەردىڭ جابىرلەنۋشىلەرگە كەلتىرىلگەن شىعىن مولشەرى 650 ملن تەڭگەدەن اسقان.
«قاراعاندى قالاسىندا 45 جاستاعى ەر ادام ۇستالدى. ول 2018 جىلدىڭ شىلدەسىندە ءوزى اقتوبەدە بولا وتىرىپ, ەلوردادا جىلجىمايتىن م ۇلىك ساتىپ الىپ بەرۋ سىلتاۋىمەن 100 ملن تەڭگەنى يەمدەنگەن. الماتى قالاسىندا 44 جاستاعى ايەل ۇستالدى. ول كوكونىستەر مەن جەمىستەردى جەتكىزۋ سىلتاۋىمەن ازاماتتاردى 516 ملن تەڭگەدەن استام سوماعا الداعان. استانا قالاسىندا 60 جاستاعى جەرگىلىكتى تۇرعىن ۇستالدى. ول وتكەن جىلدىڭ قىركۇيەك ايىندا جەڭىلدەتىلگەن نەسيە ارقىلى تۇرعىن ءۇي ساتىپ الۋ سىلتاۋىمەن 30 ملن تەڭگە جىمقىرعان. سونىمەن قاتار رەسەي فەدەراتسياسىنىڭ ماسكەۋ قالاسىندا 30 جاستاعى وتانداسىمىز ۇستالدى. ول دا الاياقتىق جولمەن ونداعان ميلليون تەڭگەنى قالتاعا باسقان», دەدى دەپارتامەنت باستىعى – ءىىم رەسمي وكىلى شىڭعىس الەكەشەۆ.
ايتا كەتەيىك, جالپى قابىلدانعان شارالاردىڭ ناتيجەسىندە جىل باسىنان بەرى 1 360 قىلمىسكەر قولعا ءتۇسىپ, 1 000-نان استام حابار-وشارسىز كەتكەن ادامنىڭ ورنالاسقان جەرى انىقتالعان.
