ع.داۋكەەۆ اتىنداعى الماتى ەنەرگەتيكا جانە بايلانىس ۋنيۆەرسيتەتىنىڭ جاس عالىمدارىمەن جانە پروفەسسور-وقىتۋشىلار قۇرامىمەن كەزدەسۋدە ساراپشىلار مەن شتاب مۇشەلەرى عىلىمنىڭ مۇمكىندىكتەرىن ارتتىرۋ جانە وندىرىسكە يننوۆاتسيالاردى كەڭىنەن ەنگىزۋ ءۇشىن ءتيىمدى جاعداي جاساۋدىڭ نەگىزگى مانىنە نازار اۋداردى. سونداي-اق ەلىمىزدە كومىرتەگى قالدىقتارىن ازايتۋ باعىتىنداعى جۇمىستى ودان ءارى جانداندىرۋدىڭ ماڭىزدى ەكەنى ءسوز بولدى.
«مەملەكەت باسشىسى قاسىم-جومارت توقاەۆتىڭ باستاماسىمەن 6 قازاندا ەلىمىزدە اەس سالۋ ماسەلەسىنە قاتىستى رەسپۋبليكالىق رەفەرەندۋم وتەدى. وسىعان بايلانىستى حالىق شتابى رەفەرەندۋمنىڭ مىندەتتەرىن جانە وسى سالادا تۋىندايتىن باسقا دا ماسەلەلەردىڭ ماڭىزىن ءتۇسىندىرۋ جۇمىستارىن جۇرگىزىپ جاتىر. بۇگىندە ەلىمىز كومىرقىشقىل گازىنىڭ جان باسىنا شاققانداعى شىعارىندىلارى بويىنشا الەمدە الدىڭعى ورىنداردىڭ ءبىرىن الادى. ەۋروپالىق وداق ەلدەرىندە 2026 جىلدان باستاپ كومىرتەگى سالىعى ەنگىزىلەدى. باسقا ەلدەردەن تاۋارلار يمپورتتاعان كەزدە كومىرقىشقىل گازىنىڭ شىعارىندىلارى ءۇشىن قوسىمشا ەلەۋلى الىمدار الىنادى. بۇل ءبىزدىڭ ەكسپورتتاۋشىلار ءۇشىن قيىندىقتار تۋعىزاتىنى انىق. سوندىقتان ەكونوميكامىزدا كومىرتەگى قالدىعىن ازايتىپ, 2060 جىلعا قاراي كومىرتەگى بەيتاراپتىعىنا قول جەتكىزۋىمىز كەرەك», دەدى م.اشىمباەۆ.
سونداي-اق شتاب مۇشەلەرى قازاقستان حالقى اسسامبلەياسىنىڭ وكىلدەرىمەن كەزدەستى. سەنات توراعاسى 6 قازاندا وتەتىن جالپىۇلتتىق رەفەرەندۋم ەلدىڭ دامۋى جولىندا ايرىقشا ماڭىزعا يە ەكەنىنە باسا ءمان بەردى.
